O BNG e Galiza Nova organizan actos lúdicos, festivos e reivindicativos en Foz, Barreiros e Ribadeo
A Mariña, venres 11 de xullo de 2025. Galiza prepárase para a celebración do 25 de xullo, Día da Patria Galega, que congregará en Santiago de Compostela a milleiros de persoas na manifestación que sairá da Alameda ás 12:00 e que terá continuidade con diversos actos ao longo da xornada. No día de hoxe, representantes do BNG e Galiza Nova presentaron en Foz, a carón do monumento á Muller Focega as actividades que se van desenvolver en diferentes localidades neste mes de xullo previas ao día 25, Día da Patria Galega.
Festexar e reivindicar
“Temos que festexar pero tamén reivindicar, porque o BNG é unha forza política cun discurso e unha práctica coherente e transformadora, que traballa por unha Galiza forte que faga valer os nosos intereses de país e coide dos galegos e das galegas con servizos públicos, universais e de calidade, coma a sanidade, na que na comarca da Mariña levamos anos de loita fronte ao proceso de desmantelamento que leva a cabo o PP. Queremos vivir na Mariña con todos os servizos, con infraestruturas acordes aos nosos tempos, rematando dunha vez a agardada A-74, e queremos tamén poder ter acceso á vivenda, agora inaccesible para a maioría de traballadoras e traballadores debido ás nulas ou lesivas políticas levadas a cabo ao respecto polo PP” afirmou o responsable comarcal Antonio Veiga.
En términos semellantes pronunciouse Serxio Alonso Mon, representante na comarca de Galiza Nova que manifestou que “traballamos tamén por unha Galiza e por unha Mariña en que os coidados sexan un dereito e non un negocio e en que a vivenda e a protección social estean garantidas e que a mocidade teña oportunidades aquí. Unha Galiza en que a nosa lingua propia, o galego, estea viva e plenamente normalizada, e na cal a defensa da igualdade desde o feminismo e o respecto á diversidade sexan norma e non excepción”
Sábado 19 de Xullo, XXX Festa da Patria en Foz
O sábado 19 en Foz, a partir das 19:30 diante da lonxa terá lugar a XXX edición da Festa da Patria, cos tradicionais chicharros lañados, e a actuación de Os Lambós e Dj´s Di Pacolo e compañía.
Domingo 20 de xullo, XVIII Manifesta da Patria en Barreiros
O domingo 20 de xullo, na área recreativa de A Insua, celebrarase un xantar, a habitual “bonitada do Bloque”, previa reserva no 629 27 28 53, con sesión vermú a partir das 13:30 amenizada por músicos locais cunha mistura de diferentes estilos musicais, modernos e tradicionais. . O xantar será ás 14:30 e ao longo da xornada haberá diversas actividades.
Luns 21 de xullo, actos de Galiza Nova en Ribadeo
O luns 21 de xullo, nun lugar tan simbólico coma o Cargadeiro, na entrada da Ría de Ribadeo, ás 13:00 a mocidade de Galiza Nova despegará nese emblemático emprazamento a bandeira da patria e inaugurarase tamén alí mesmo a exposición “Artivismo en Castelao”.
Manifestación en Santiago de Compostela o venres 25 de xullo
Desde o BNG animan a asistir á manifestación que partirá da Alameda compostelá ás 12:00 e que rematará na Praza da Quintana, así como ás actividades que ao longo do día se van desenvolver dando continuidade ás do día 24 dentro do Festigal.
Para acudir á manifestación o BNG organiza a viaxe en bus, podendo anotarse ata o venres 18 de xullo no tfno 982 140 654 as persoas que desexen ir ou no correo amarinha@bng.gal
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
