A futbolista naronesa abandona a disciplina laranxa despois dunha tempada na que anotou seis goles
Burela,, 5 de xullo, 2025. A á-peche Cris Lourés pecha a súa etapa no Burela FS despois dunha soa tempada na que anotou 6 tantos e colaborou na consecución da Copa da Raíña e a Copa Galicia. O club agradece o traballo e implicación de Cris durante toda a tempada e deséxalle a maior das sortes no seu futuro profesional e persoal.
Cris Lourés Casal (Narón, 2002) chegou o pasado verán á disciplina burelista como a cuarto e última fichaxe da pretemporada. Procedente do Viaxes Amarelle, a xogadora de Ferrolterra xa contaba con experiencia na máxima categoría, pero non gozou de demasiadas oportunidades ás ordes de Julio Delgado. De todos os xeitos, si aproveitou aqueles momentos nos que estivo sobre o 40×20 e rendeu a un bo nivel. Mesmo se permitiu o luxo de anotar un triplete en Vista Alegre diante do Gran Canaria FSF Teldeportivo.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
