O Vicedo, 22 de xullo de 2025. O PSdeG-PSOE do Vicedo quere agradecer de corazón a todas as veciñas e veciños que participaron nesta primeira rolda da iniciativa Escoitámosvos, unha campaña de encontros abertos que nace co obxectivo de recoller propostas, inquedanzas e suxestións directamente da veciñanza.
Ao longo das últimas semanas, a agrupación socialista percorreu as parroquias de Mosende, San Román do Val, Riobarba, Cabanas, Suegos e Negradas, escoitando de primeira man as necesidades, propostas e preocupacións da cidadanía.
Nun ambiente de diálogo e proximidade, recolleron numerosas achegas que están xa a analizar para levalas aos vindeiros plenos municipais ou á institución correspondente, segundo cada caso. Engaden que “gobernar para todos tamén é saber escoitar a todos”.
A última xuntanza desta primeira fase celebrarase o domingo 27 de xullo, ás 18.30h na Casa do Pobo do Vicedo. Será unha ocasión para facer balance, compartir conclusións e continuar fortalecendo un proxecto colectivo construído desde abaixo.
Desde o PSdeG do Vicedo engaden que “seguiremos traballando con humildade, constancia e compromiso. Porque o noso compromiso coa veciñanza non remata aquí: continúa cada día, escoitando, propoñendo e actuando”.
Con esta campaña, o grupo socialista reafirma o seu compromiso por facer unha política centrada nas persoas, na proximidade e na participación real da cidadanía.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
