Ribadeo, 22 de xullo de 2025. A tenda ribadense de moda infantil e complementos Querocolo acaba de integrarse na Asociación de Comerciantes, Industriais, Servizos e Autónomos (Acisa) de Ribadeo. A propietaria do establecemento, Tania Fernández, decidiu formar parte deste colectivo porque considera que “hoxe en día o pequeno comercio só lle pode facer fronte ás grandes cadeas e ás ventas por Internet se é de forma unida e con iniciativas que fomenten o comercio local”.
Querocolo abriu en 2015 da man de Raquel Pernas e anos despois, en 2024, comezou unha nova etapa con Tania Fernández á fronte. Está na rúa Ramón González da vila ribadense e é unha tenda de moda infantil e complementos como sacos e bolsas para o carro, mantas, xoguetiños, muselinas, mordedores, babeiros, etcétera. Aínda que a súa especialidade son os bebés, tamén teñen prendas de vestir ata a talla 6 anos.
Tania Fernández explica que en Querocolo “faise unha aposta pola calidade e o bo deseño á hora de seleccionar os produtos, con marcas nacionais como Pangasa, Paz Rodríguez, Uzturre, Babidú, Cóndor ou Monnuage e internacionais como Play Up, Maileg e Mushie, entre outras”.
Tania Fernández é licenciada en Comunicación Audiovisual, “así que nada que ver co comercio. Por circunstancias persoais acabei traballando en comercio e cando Raquel me ofreceu coller o traspaso da tenda, pareceume unha boa oportunidade para poder conciliar mellor”, comenta a propietaria de Querocolo.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
