Foz, 3 de xullo de 2025. O departamento de Cultura do Concello de Foz está organizando un verán cheo de actividades. Este mércores inaugurouse a primeira exposición do verán nas salas do CENIMA: unha colección de obras pictóricas e escultóricas de Vicente Barreira e Esperanza Fontecha, que estará aberta de martes a sábado en horario de 11.00 a 13.00 e de 17.00 a 19.00 horas e domingos e festivos de 11.00 a 13.30 horas dende ata o 27 de xullo. “As exposicións Paisaxes e Obra Última, de Vicente Barreira e Esperanza Fontecha, son de visita obrigada para quen lle guste a arte”, destaca a concelleira de Cultura, Inés López Couto.
A edil de Cultura anuncia tamén que “o ciclo Sons na Rúa cumpre dezaoito edicións enchendo de música local Foz todos os venres do verán en diferentes prazas do concello. Este venres comeza da man da Rondalla Latexos, a partir das 21.00 horas. Ademais esta fin de semana a Asociación Cultural Virxe do Pilar organiza a súa III Torrezmada Popular da Espiñeira, para todos aqueles que lles guste comer ben e desfrutar dos amigos e a familia no entorno do Campo da Feira da Espiñeira. A partir das 20.30 horas e coa actuación do grupo focego A Subela”.
Inés López engade que “o domingo é tempo de teatro, chega a Foz a obra Costa da Morte: cartografía dun naufraxio, que se poñerá en escena ás 22.00 horas na praza Rosalía de Castro (Campo da Cabana) e en caso de choiva a representación levarase a cabo no pavillón do colexio Nº1 ás 20.00 horas”.
“Agardamos que veciños e visitantes desfruten dunha programación que aglutina actividades para pequenos e grandes e que vai de música a teatro, pasando por festas e moitas outras actividades”, finaliza a concelleira de Cultura.
A Fundación Cibervoluntarios, en colaboración co Concello de Viveiro, organiza este verán campamentos dixitais gratuítos dirixidos a rapaces de entre 9 e 17 anos. A iniciativa enmárcase no Programa CODI, Competencias Dixitais para a Infancia. A primeira edición desenvolverase a partir do luns 7 de xullo na aula CEMIT dos Claustros de San Francisco, en horario de 9.00 a 14.00 horas. A segunda quenda terá lugar o 28 de xullo. Aínda quedan prazas dispoñibles. O obxectivo dos campamentos é mellorar as competencias dixitais da infancia e promover o uso creativo e saudable da tecnoloxía. As inscricións poden realizarse a través da ligazón 
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
