A Mariña, 4 de outubro de 2025. De compras polo comercio da Mariña Lucense é a campaña que terá lugar do 20 de outubro ao 30 de novembro, organizada pola FCAM. No acto de presentación, que tivo lugar no Cenima de Foz, participaron a presidenta e o tesoureiro da entidade, Carmen Cruzado e José Carlos Paleo.
Desde a FCAM explican que “o obxectivo desta campaña é unha forte aposta polas compras no pequeno comercio, nese que temos a carón das nosas casas. E imos facelo traendo á Mariña a persoas destacadas pola súa profesión no ámbito do xornalismo, a música, a escritura ou o cine, coas que faremos un percorrido polas rúas comerciais de Viveiro, Burela, Foz ou Ribadeo. Queremos que elas e eles sexan un reclamo comercial e por iso van vir pasar unha fin de semana entre nós”.
Carmen Cruzado indica: “imos sortear 2.500 euros en vales de compra en vilas como Barreiros, Mondoñedo, A Pontenova ou Xove, por poñer uns exemplos. A clientela que faga as súas compras no comercio local os días previos terá a posibilidade de cambiar os seus tíckets por rifas da FCAM para participar nos cinco sorteos que faremos durante esta importante campaña. E eses convidados especiais serán os encargados de entregar os vales ás persoas afortunadas. Con eles imos visitar tamén enclaves turísticos da nosa comarca, porque entendemos que comercio e turismo están moi unidos neste destino, e ademais imos amosarlles a excelente gastronomía coa que contamos nesta zona”.
José Carlos Paleo declara: “é unha campaña coa que pretendemos facer pobo, facer Mariña, dicirlle á xente que as súas compras ten que facelas no comercio local, porque temos unha diversidade grande de negocios onde podemos atopar de todo, dun extremo ao outro da Mariña, na costa ou no interior. Cada pobo ten as súas potencialidades e debemos, entre todos, explotalas ao máximo”.
A presidenta da FCAM lembra que “xa fixeramos algo parecido hai preto de 10 anos desde a Federación de Comercio A Mariña para promocionar turística e gastronomicamente esta comarca e agora imos levar a cabo promoción comercial con esta campaña De compras polo comercio da Mariña Lucense”.
A campaña, financiada pola Dirección Xeral de Comercio da Xunta de Galicia, terá lugar os días 25 e 26 de outubro en Foz e Barreiros; o 8 e 9 de novembro en Lourenzá e Mondoñedo; o 15 e 16 en Ribadeo e A Pontenova; o 22 e 23 en Xove e Viveiro; e o 29 e 30 en Burela.
Desde a FCAM engaden: “ao longo dos vindeiros días iremos desvelando os nomes das convidadas e convidados cos que imos contar para facer Mariña”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
