Os concelleiros populares fanse eco desta demanda “reiterada” dos veciños da zona que cobra especial urxencia trala implantación da unidireccionalidade da vía que supón “dificultades” para que os residentes acceden aos seus fogares
Burela, 4 de outubro de 2025. O PP de Burela traslada formalmente e “con ánimo construtivo” ao goberno bipartito presidido pola señora López Moreno as demandas reiteradamente comunicadas polos veciños e veciñas da contorna de Os Cotos, Ril e o barrio da Casilla en relación ás melloras necesarias na zona.
Os populares mantéñense en contacto permanente cos veciños e veciñas e, neste caso, comparten a preocupación pola recente colocación dun sinal de dirección prohibida na vía que conecta Os Cotos con Ril. Este acceso vén sendo empregado en dobre sentido durante máis de 25 anos sen rexistro de incidentes; pero esta restrición supón unha clara dificultade para o acceso aos seus fogares. De feito, obrígaos a realizar rodeos innecesarios agravando unha situación que xa de por si estaba pendente de mellora pola falta de ampliación do camiño, tal e como recolle o propio plan urbanístico municipal.
A proposta formal que trasladan os populares coa vontade de abordar o asunto de forma conxunta inclúe a petición para que o goberno municipal reconsidere a implantación da unidireccionalidade da vía e restableza de forma provisional a circulación en ambos sentidos para os residentes da zona mentres non se execute a súa ampliación.
E demandan a inclusión no plan de obras municipais de forma prioritaria desta actuación “lóxica e asumible” que, ademais, conta co aval do seu uso histórico e co consenso veciñal.
Tamén solicitan a revisión urxente do funcionamento da estación de bombeo de augas residuais da Casilla, dado que en episodios de chuvia intensa se producen verteduras incontroladas cara a fincas privadas e en dirección á praia de Ril, con evidente risco medioambiental.
Os populares fanse eco tamén da petición para a execución de beirarrúas en ambos sentidos da rúa xa parcialmente urbanizada para “garantir a seguridade peonil e a accesibilidade mínima esixible nunha vía residencial”.
Os concelleiros do PP agardan que o goberno municipal “actúe con responsabilidade e sensibilidade ante unha demanda que non responde a criterios partidistas, senón ao sentido común e á garantía de dereitos básicos como o acceso digno ás vivendas e a protección do contorno natural”.
Os edís do Partido Popular aproveitaron para trasladar “distintas necesidades e poñer en valor as bondades do noso pobo, sempre que estea ben xestionado”, aos deputados provinciais do PP durante unha visita recente á vila na que lles explicaron a situación destes barrios e, concretamente, o caso desta vía que, no seu día, fora aberta e acondicionada con fondos da Deputación de Lugo.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
