Do 29 de agosto ao 31 de outubro, o Salón de Actos dos Chaos converterase cada venres nunha sala de cine coa proxección de oito longametraxes e oito curtametraxes finalistas dos Premios Mestre Mateo
A Fonsagrada, 25 de agosto de 2025. A asociación cultural Abordelar organiza unha nova edición do Ciclo Mestre Mateo na Fonsagrada, un proxecto promovido pola Academia Galega do Audiovisual e a Vicepresidencia da Deputación de Lugo.
Durante dous meses, o Salón de Actos dos Chaos acollerá as proxeccións todos os venres ás 20:30 horas, agás o 19 de setembro, que se trasladará ao sábado 20. O público poderá gozar dun total de 16 títulos, entre películas, documentais e curtas, todos eles obras sinaladas nos Premios Mestre Mateo, o gran escaparate do audiovisual galego.
O obxectivo do ciclo é achegar o cine galego aos concellos onde non existe unha oferta comercial estable, facilitando así o acceso da veciñanza ás últimas producións do sector.
A programación inclúe producións de referencia como +Cuñados, Prefiro Condenarme ou Filmei paxaros voando, xunto a As Neves, filme rodado na propia Fonsagrada e nos seus arredores.
A sesión inaugural será este venres 29 de agosto con Honeymoon.
Tamén tivo lugar a segunda xornada do Mercado de Rúa, no que se dan cita máis de vinte comercios locais, que ofrecen descontos especiais sacando os seus stocks ás rúas ribadenses. Esta cita volverá os días 30 e 31 de agosto. Este luns, arranca a grande semana multiaventura de Acisa con rocódromo, inchables, festa da escuma e un deslizador de máis de 100 metros de longo. Toda a información está na web 
O evento foi organizado polo Club Atletismo Ribadeo, que contou coa colaboración do Concello, da Xunta, da Deputación e de Acisa.
Ás 19.57 horas deste mércores deuse por extinguido o incendio forestal do concello lucense da Fonsagrada, parroquia de Monteseiro, que se iniciou ás 15.30 horas do martes día 5 e que finalmente afectou unha superficie de 142,5 hectáreas, das cales 50 corresponden a arborado e 92,5 a raso. Para a súa extinción mobilizáronse, de xeito acumulado, 6 técnicos, 82 axentes, 107 brigadas, 111 motobombas, 3 pas, 8 helicópteros e 8 avións.
Este mércores celebrouse na Casa da Cultura a proxección e coloquio e entrega de premios do Concurso de fotografía turística do Vicedo, que alcanza xa a súa 8ª edición. Uns 25 participantes presentaron máis de 60 fotografías de todo tipo destacando pola súa grande calidade mostrando estampas tanto da costa como do interior do noso municipio. O coloquio-proxección foi moi animado e os propios fotógrafos participantes puideron expresar as súas intencións e anécdotas en torno ás fotografías presentadas. Os premiados foron: 1º premio (300€) Mónica Vila con "San Román". 2º premio (200 €) Alejandro Martínez con "Maravillas del Amanecer". 3º premio (100 €) Sarai Fernández con "O faro de Vicedo Vello". Premio especial a menores de 30 anos (50 €) Laura García con "O Vicedo. Silencio que acolle"
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
