É obrigatorio manter limpas franxas de 50 metros arredor de vivendas, núcleos rurais, urbanización, cámpings, gasolineiras ou instalacións industriais
Viveiro, 20 de agosto de 2025. O Concello de Viveiro lembra á veciñanza que a Lei 3/2007 de prevención e defensa contra os incendios forestais establece a obriga de manter limpas as franxas de 50 metros arredor de vivendas, núcleos rurais, urbanizacións, cámpings, gasolineiras ou instalacións industriais situadas preto do monte. O obxectivo é reducir o risco de lume e garantir a seguridade das persoas e das súas vivendas.
Na mesma franxa non poderá haber especies como o eucalipto ou algunhas variedades de piñeiro, tal e como recolle a normativa autonómica. O prazo para cumprir coa obriga de xestión da biomasa rematou o 31 de maio, mais agora, por mor das altas temperaturas e do risco de incendios, o Concello fai un chamamento á veciñanza para que comproben que os terreos están nas condicións axeitadas para evitar riscos innecesarios. Dadas as circunstancias, apélase á importancia de levar a cabo unha labor preventiva.
«Trátase dunha medida de prevención esencial, que non só cumpre coa lei, senón que tamén protexe á nosa veciñanza e o noso patrimonio natural», lembra a alcaldesa Mariña Gueimunde.
O Concello lembra ademais que, en caso de incumprimento, poderá procederse á execución subsidiaria dos traballos de limpeza, repercutindo os custos ás persoas responsables, sen prexuízo das sancións que correspondan.
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Sufriu queimaduras e precisou asistencia sanitaria. No interior das instalacións hai herba seca acumulada, así como un vehículo agrícola, e nestes momentos os medios traballan para atallar as lapas. Foi un particular quen alertou ao 112 Galicia dos feitos, minutos antes das 13 horas deste luns: vía moito fume no lugar de Cordeiro, na parroquia de Álvare. De inmediato, os xestores do Centro Integrado de Atención ás Emerxencias solicitaron a acción de Urxencias Sanitarias de Galicia-061, dos Bombeiros de Vilalba, do GES da Pontenova e dos axentes da Garda Civil. Neste intre, os servizos de emerxencias confirmaron que só ardían estas instalacións e traballan para apagar o lume.
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais.
Houbo intervencións do crítico literario Ángel Basanta e dos escritores Francisco Álvarez Koki e Xosé Manuel Malheiro, que glosaron a súa traxectoria como ensinante e renovador pedagóxico desde o Seminario de Mondoñedo ata as universidades neoiorquinas onde fundou o programa cultura e educativo Solidaridad Humana para formar emigrantes. A homenaxe, que contou coa presenza da familia, completarase coa inauguración da rúa Dino Pacio Lindín, unha das vias laterais á Praza e a Casa do Concello, un recoñecemento impulsado pola comunidade de montes Coto das Louseiras de Xemil. A área de Cultura colaborou na edición, en 2021, do libro "Dino Pacio Lindín, o guía dunha vangarda cultural", coordinado por Manuel Rivas García, con textos de antigos alumnos e amizades do sociólogo pastoricense.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
