Iria Cotelo: “Denegar por cuarta vez a información fai pensar que non se quere falar por algún motivo, o que non sabemos é cal”
Viveiro, 16 de setembro de 2025. O Bloque Nacionalista Galego lamenta profundamente que a alcaldesa de Viveiro veña de denegar a celebración dun pleno extraordinario solicitado polos grupos do BNG e do PSOE para informar sobre o vertido de purín acontecido no mes de xuño, que xerou unha importante preocupación social e ambiental no concello.
A voceira municipal do BNG, Iria Cotelo, criticou a falta de transparencia do goberno local e acusou á alcaldesa de negarse reiteradamente a dar explicacións públicas:
“Non se comprende que saia publicamente dicindo que vai convocar o pleno aínda que non reúna os requisitos, e días despois nos chamen dende secretaría dicindo que se denega. É un xesto covarde da alcaldesa que xera máis dúbidas ca certezas”.
Desde o BNG denuncian que esta é a cuarta vez que se impide o acceso á información sobre este asunto. Segundo informou a secretaría, irá como punto na orde do día do pleno de outubro “A pleno ordinario xa foi —afirma Cotelo—. Teremos que agardar a outubro para ver se a alcaldesa vai falar de verdade, ou se imos atopar máis do mesmo”
A formación nacionalista considera inadmisible que a corporación teña que informarse a través dos medios de comunicación, sen que o goberno municipal ofreza unha explicación institucional completa:
“Se non ten aínda os informes técnicos ou xurídicos, o lóxico sería que diga o que sabe ata agora. Enterarnos polos medios é un exemplo de nulo respecto institucional”.
Desde o Bloque insisten en que o seu obxectivo sempre foi aclarar os feitos e garantir que se actúe con responsabilidade, sen dar lugar a sospeitas.
“A alcaldesa ten potestade para convocar unha reunión de voceiros, para celebrar un pleno extraordinario, para convocar unha comparecencia da alcaldía… ten ferramentas abondo se realmente tivera intención de ser transparente coa corporación e coa cidadanía, e máis cando @s concelleir@s estamos dispostos a renunciar á retribución por asistencia”, declara Cotelo, e afirma que “Nun primeiro momento non pensabamos que houbera nada que ocultar, pero xa non é tan só que pasados 3 meses aínda non informara… é que cando chega a denegar esa información ata 4 veces fai pensar que non quere falar por algún motivo, o que non sabemos é cal”
O BNG seguirá reclamando transparencia, responsabilidades e información pública sobre este suceso.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
