Os populares trasladan ante o Pleno da Corporación municipal esta proposta que os propios comerciantes ambulantes e usuarios do mercado semanal teñen reclamado dende fai tempo ao goberno local
Burela, 23 de setembro de 2025. O PP de Burela traslada ante o Pleno da Corporación municipal unha iniciativa que xorde dos comerciantes ambulantes e os propios usuarios do mercado semanal da vila dirixida á mellora da salubridade e da hixiene na zona o día da súa celebración.
Os populares explican que “se trata dunha demanda que levan moito tempo reclamando ao goberno local sen éxito”. De feito, “son reiteradas as queixas” pola escaseza de contedores que impiden recoller de forma correcta o lixo propio do desenvolvemento da actividade comercial ambulante. Ademais, “non existen aseos na zona a disposición de comerciantes nin veciños”.
Así, os concelleiros do PP defenderán unha proposta “útil, lóxica e demandada polos veciños e veciñas” que, ademais, non suporía un excesivo esforzo orzamentario.
Por unha banda propoñen a colocación, con carácter prioritario e urxente, de baños portátiles na zona na que actualmente se celebra o mercado semanal os venres. E, por outra, o reforzo do número de colectores de lixo na zona o día de celebración do mercado semanal.
Os populares xa manifestaron dende o inicio que “o cambio de ubicación non era unha boa nova para Burela” prexudicaba aos comercios do centro. De feito, todas as enquisas indican que a preferencia maioritaria é volver ao lugar de orixe: a rúa do centro do pobo”.
Pero, a nova ordenanza reguladora dos mercados deseñada polo goberno local de forma unilateral ano e medio despois de ser anunciada, non aclara nada sobre a súa ubicación. Nese sentido, os populares teñen amosado a súa preocupación porque “é máis restritiva que a anterior para os vendedores de alimentación caseira” polo que “conviña outro tipo de norma máis adecuada ao tipo de comercio ambulante que hai na vila”.
Para o PP de Burela a “mala xestión” do goberno local en todo o que ten que ver co mercado semanal dos venres é unha reflexo da súa falta de xestión á fronte do noso concello e que prexudica, directa ou indirectamente, aos veciños e veciñas”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
