Os colectivos da vila propuxeron novas iniciativas durante a xuntanza celebrada o pasado luns
Burela, 2 de outubro de 2025. Burela acolleu o pasado luns unha nova xuntanza entre representantes dos diferentes colectivos e comunidades da vila co obxectivo de retomar e programar actividades no Recuncho Multicultural, un espazo promovido polo Concello para fomentar a integración e a diversidade cultural.
Durante o encontro, os participantes presentaron diversas propostas e ideas para futuras actividades orientadas a fortalecer os lazos entre as diferentes comunidades e promover a participación cidadá. Ademais, acordáronse novas citas para seguir traballando na planificación de proxectos e iniciativas que impulsen a convivencia.
Segundo Mario Pillado, tenente da alcaldesa, “dende o concello estamos encantados coas propostas e aportacións que nos chegan dos colectivos”, quen asegurou que “cada encontro xera novas ideas que profundizan e fortalecen os proxectos que levamos a cabo. A súa colaboración é fundamental para seguir mellorando a nosa vila”, concluíu.
As Confrarías de Viveiro irán con Presidencia en cada un dos Estandartes que as representa, sendo un motivo de agradecemento coa organización, por contar coa súa presenza para tal efeméride. Desprazaranse nun autobús, no que nestes momentos dispón dalgunhas prazas libres polo que se algún Confrade de calquera das Confrarías quere asistir e participar na Procesión, a Xunta de Confrarías convídao; para iso pode chamar ao 670511744 ou ao 629807368.
A institución provincial colabora con esta entidade co obxectivo de concienciar da importancia do deporte como unha prácticavital para fomentar a inclusión a través da visibilización, pero tamén para mellorar a calidade de vida das persoas con diversidade funcional. Ademais da provincia de Lugo, a cita deportiva percorrerá ata o domingo, día 5 de outubro, os municipios galegos de Pereiro de Aguiar, Santiago de Compostela e Vilagarcía de Arousa.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con Fran Rivas, da organización da VespaFaba & Clásicos Lourenzá; co fabeiro Ricardo Yáñez; e con Rafael Cabaleiro, da confitería Neli, que elabora tortas e empanadas de fabas.
Rematou con empate técnico entre o Río Xunco e o Río Cobo. Con especial agradecemento a Alba María, Lupe Blanco, Caxoto e Carmen Conde de Tarabela Creativa. O Festival de Narración de Cobo a Xunco levou contos e historias cada venres de setembro a diferentes lugares e parroquias do municipio, cunha programación pensada para persoas de todas as idades que culminou co Peche na Casa da Cultura, nunha batalla dialéctica entre os embaixadores/as dos dous ríos, Xunco (Caxoto) e Cobo (Carmen Conde).
O pasado xoves 25 de setembro mestres da Escola Municipal de Música deleitaron ao alumnado e ao profesorado do CEIP Pedro Caselles Rollán e do IES Illa de Sarón cunhas pequenas pezas musicais a modo de concerto didáctico nos ximnasios de ditos centros educativos de Xove co fin de amosarlles o traballo que día a día realizan nas clases da escola á vez que intentar conseguir novos alumnos para este curso que ven de empezar. Ademáis este mércores tivo lugar a presentación do novo curso da Escola Municipal de Música nunha aula do Colexio de Palmeiro, instalacións que usan a diario para desenvolver a sua programación.
Este martes 30 de setembro "soubemos do pasamento do noso veciño e amigo Xosé Luis Barrera Rei. Desde o BNG de Ribadeo queremos transmitir o noso pésame a toda a súa familia e renderlle homenaxe a unha persoa que sempre amosou as súas inquedanzas pola nosa cultura, polo mundo do deporte, e polo seu país: Galiza". Xosé Luis Barrera Rei estivo vinculado ao mundo da cultura ribadense, nomeadamente ao grupo de teatro, e ao mundo do deporte; tamén foi responsábel local do BNG nos anos oitenta. Tres foron as súas paixóns: Galiza, Cuba e o seu Deportivo da Coruña. Na veciñanza queda un recordo moi agradecido polo seu compromiso co país e con Ribadeo. "Sempre formarás parte da nosa memoria, Barrera".
A cita é ás 20 horas con posteriores petiscos para xs asistentes.
