Ribadeo, 28 de setembro de 2025. A localidade mariñá viviu este domingo unha xornada inesquecible coa celebración da Heroican Race 2025, que alcanzou a súa quinta edición e volveu reunir por centos de participantes e espectadores ao redor dunha das probas de obstáculos máis espectaculares de Galicia.
O desafío reuniu a uns 400 corredores que tiveron que superar un percorrido de 10 quilómetros con preto de 30 obstáculos de gran esixencia. A cita desenvolveuse nun ambiente vibrante, con máis dun milleiro de asistentes gozando do espectáculo deportivo e do esforzo dos competidores.
A proba estivo organizada pola Asociación Gallaecia Extrem Race e o grupo empresarial BeOne, co respaldo de institucións e empresas que fixeron posible a súa celebración: Xunta de Galicia, Concello de Ribadeo, Matrix, Eciman, Aerobic&Fitness, I-Nerxia, 43N Arquitectura, ACISA Ribadeo, Gadis, El Progreso, Estrella Galicia e Nutrisport.
No plano competitivo, destacaron as actuacións dos gañadores: na categoría elite masculina impúxose Adrián Suárez, mentres que na elite feminina a vitoria foi para Fuencisla Vaqueiro. Na popular competitiva, os vencedores foron Carlos Suárez e Mariña Varela.
O acto de entrega de trofeos, coa participación do alcalde de Ribadeo, Daniel Vega, o CEO de BeOne, Roberto Ramos, e representantes dos patrocinadores, puxo o broche de ouro a un evento que combina deporte, espectáculo e promoción turística.
A Heroican Race forma parte da liga Española AOCO (Asociación de Organizadores e Clubs de Obstáculos de España) e confirma a súa condición de referente no calendario nacional, onde a superación persoal, o compañeirismo e a resistencia física convértense nos auténticos protagonistas.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
