Lara Méndez alerta de que o organismo autonómico “vai repartindo cartos a destro e sinistro polas parroquias entre asociacións e colectivos”, destinando os seus fondos a fomentar o “clientelismo” en vez de dedicalos ás súas propias funcións
Santiago de Compostela, 2 de novembro de 2025. A deputada socialista e secretaria de Organización do PSdeG, Lara Méndez, advertiu de que Rueda converteu a Axencia de Turismo de Galicia “na chequeira da señora Candia”. Durante a comparecencia do director do organismo autonómico este venres no Parlamento, Méndez sinalou que Turismo de Galicia está apoiando co seu orzamento unha estratexia de “clientelismo” que ten como obxectivo “comprar vontades en Lugo e provincia cun fin electoral”.
A parlamentaria do PSdeG criticou que con cargo a ese presuposto “vai repartindo cartos a destro e sinistro polas parroquias, polas asociacións e polos colectivos”, e puxo como exemplos festas de disfraces que organiza “unha panadería do ámbito familiar dunha persoa que foi nas listas da señora Candia”. “Panaderías organizando festas de disfraces ou campionatos de dardos”, engadiu en referencia a outro establecemento do mesmo sector noutro punto da provincia. Tamén citou a contratación “dunha orquestra para as festas dunha parroquia a unha consultora de enxeñaría” ou a construción de “dúas prazas de aparcamento nun centro social”.
“Non criticamos que se financien festas de disfraces, nin campionatos de dardos, ou que se fagan obras nos centros sociais, pero non sei se lle correspondería á Axencia de Turismo…”, dixo ironicamente. De feito, sobre este último punto, censurou que para habilitar eses aparcamentos se incluíu na memoria, como xustificación, que por alí pasa o Camiño Primitivo, “pero resulta que o Camiño Primitivo non pasa por esa parroquia”.
Lara Méndez preguntoulle ao responsable autonómico se “todo vale” e invitou ao Goberno galego a “facer unha reflexión” sobre o “uso que se está facendo da Axencia de Turismo de Galicia”, que debera servir para apoiar “un motor económico fundamental” para a comunidade autónoma. “Non pode ser a chequeira da señora Candia”, reiterou.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
