A Fundación Expomar organizou este xoves 11 de decembro a terceira edición do “Día do Orgullo Mariñeiro”, que volveu combinar a divulgación nas escolas, a exaltación da cultura mariñeira e a gastronomía do mar
Burela, 12 de decembro, 2025. Burela volveu reivindicar a súa identidade mariñeira coa celebración do III “Día do Orgullo Mariñeiro”, unha iniciativa da Fundación Expomar en colaboración co Concello de Burela e a Consellería do Mar, no marco das axudas do Fondo Europeo Marítimo, de Pesca e Acuicultura (FEMPA).
A cita, creada hai dous anos, busca poñer en valor a cultura mariñeira local, sustentada en máis de cen anos de historia da confraría, o peso da lonxa a nivel rexional, estatal e europeo, o papel dos provedores locais e a tradición estaleira, entre outros activos que definen a identidade marítima de Burela.
A xornada desenvolveuse en tres escenarios ao longo do día: centros educativos e sociais da Mariña, a Casa da Cultura e a Praza da Mariña.
Orgullo Mariñeiro nas Escolas: máis de 1.000 racións de pota
Ao mediodía arrancou a iniciativa “Orgullo Mariñeiro nas Escolas”, coa distribución de máis de 1.000 racións de pota da lonxa de Burela nos comedores de once centros públicos da Mariña Lucense. Este ano sumáronse tamén os comedores da Fundación Eu Son (Burela) e da Asociación Saúde Mental A Mariña (Cervo).
Os menús especiais chegaron aos centros de Burela, Barreiros, Foz, Muras, San Cibrao e Viveiro, incluíndo escolas infantís, CEIPs e IES.
Para coñecer de primeira man a acollida da iniciativa achegáronse aos comedores representantes da Xunta, do Concello de Burela e da Fundación Expomar, entre eles Cándido Rial, Carmela López, Ramiro Fernández, Mario Pillado e José M. González “Brais”.
A Muller e o Mar: voces en primeira persoa
Pola tarde celebrouse na Casa da Cultura a charla-coloquio “A muller e o mar”, protagonizada por profesionais vinculadas aos oficios mariñeiros: armadoras, estibadoras, redeiras e representantes da Administración.
Moderado por Rosa Ana González (GALP A Mariña-Ortegal), o encontro contou con:
• Begoña Pernas, presidenta da Cooperativa de Estibadoras de Burela
• María del Mar Febrero, presidenta da Asociación de Redeiras
• Mª Eugenia González, armadora
• Ángeles Vázquez Suárez, directora xeral de Desenvolvemento Pesqueiro
As participantes reflexionaron sobre catro eixos —Por que son do mar?, Retos diarios, Relevo feminino e Futuro azul— coincidindo na necesidade de máis formación, apoio ao emprendemento e axudas ao sector, lembrando que todas forman parte dunha mesma cadea produtiva.
O acto pechouse coas intervencións de Carmela López e Ángeles Vázquez, que apelaron ao orgullo mariñeiro de Galicia, da Mariña e de Burela, especialmente das súas mulleres do mar. As actuacións de Arumiños ACM Arume e do grupo infantil da SCR Ledicia abriron e clausuraron o encontro.
Festa popular na Praza da Mariña
Como é tradición, o Día do Orgullo Mariñeiro rematou na carpa de Nadal da Praza da Mariña cunha festa gastronómica do “Peixe de Burela”. O público puido degustar gratuitamente salpicón de pescada do pincho, empanada de bonito do norte e pota en salsa.
A celebración contou cunha nova actuación especial de “Cantiños Osa do Mar”, desta volta a cargo do grupo xuvenil Blood Skeleton.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
