O pasado fin de semana inauguráronse en Viveiro o Belén e o alumbrado de Nadal. Quero comezar dicindo que me alegra que estas tradicións continúen vivas, porque forman parte da identidade do noso concello e contribúen a dinamizar a economía local nun momento clave do ano.
Porén, tamén considero necesario facer unha reflexión. O Belén, que hoxe vemos consolidado e que tantas persoas visitan, non estivo sempre aí. Durante varios anos deixou de instalarse en Viveiro, por motivos que toda a veciñanza coñece e nos que non vou entrar porque non creo que sexa necesario volver sobre eles.
O importante é que, no ano 2014, dende o goberno socialista decidimos recuperar o Belén. Fixémolo con ilusión, con responsabilidade e cun profundo respecto polo patrimonio. Ano tras ano consolidámolo ata convertelo nun reclamo turístico esencial do Nadal en Viveiro, capaz de atraer visitantes, crear ambiente e contribuír ao comercio e á hostalaría nun momento de especial relevancia para a cidade.
O mesmo ocorre co alumeado de Nadal. A práctica totalidade da iluminación do casco histórico é hoxe propiedade municipal porque durante anos fomos adquirindo e ampliando esa iluminación, mellorando cada campaña para que Viveiro tivese un Nadal atractivo, de calidade e ao nivel que a nosa cidade merece.
Non escribo isto para atribuír méritos persoais nin partidistas. Gobernar é traballar polo teu concello, e así o fixemos. Pero si creo que é importante lembrar que moitas das cousas que hoxe vemos como naturais, e que agora se presentan coma se fosen novas, cando antes se criticaban, foron posibles grazas a unha planificación e a unha xestión realizada durante anos.
A memoria non é un exercicio de confrontación, senón de honestidade. E Viveiro merece que se fale con claridade sobre o traballo que hai detrás de cada avance, tamén daqueles que continúan agora con normalidade.
Alégrome de que o Belén siga adiante. Alégrome de que o alumeado siga iluminando o noso casco histórico. E alégrome, sobre todo, de que Viveiro siga avanzando.
Pero creo que tamén é xusto dicir que o presente que hoxe disfrutamos naceu dun traballo previo, dun compromiso firme coa cultura, co turismo e coa vida da nosa cidade.
María Loureiro García
Portavoz do Grupo Municipal socialista
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
