Viveiro, 26 de decembro, 2025. O BNG de Viveiro esixe que o actual goberno municipal do PP explique por que decidiu liquidar ao equipo redactor dos pregos para a licitación dunha Empresa de Servizos Enerxéticos (ESE), para contratar co mesmo fin a unha empresa propiedade do que foi voceiro do PP de Lalín e ex alto cargo de AGADER, organismo dependente da Xunta de Galiza, quen foi denunciado no ano 2021 por un presunto delito de prevaricación na adxudicación de subvencións.
A portavoz municipal do BNG, Iria Cotelo, lembrou que “estamos a falar do maior contrato da historia do Concello de Viveiro, polo que o rigor, a transparencia e a solvencia técnica deberían ser incuestionables”.
Cotelo explica que, durante o mandato do BNG, estudáronse distintas propostas e contratouse unha empresa con ampla experiencia no sector enerxético para a elaboración dos pregos da ESE, un traballo que se atopaba practicamente rematado e en condicións de ser licitado en poucas semanas. Porén, tras o cambio de goberno, o PP decidiu paralizar o procedemento, liquidar o contrato coa empresa redactora inicial e contratar outra nova para o mesmo fin.
“A pesar das dificultades para acceder aos expedientes, sabemos que se solicitou unha única oferta económica a esta empresa vinculada ao PP, cuxo historial se centra en servizos para o turismo e na análise de viabilidade de residencias da terceira idade, pero que carece de experiencia no sector enerxético. Aínda así, liquidouse a empresa anterior e adxudicouse este novo contrato sen fundamento”, afirmou a formación nacionalista. Segundo a información á que tivo acceso o BNG, esta contratación realizouse sen solicitar máis ofertas. “É dicir, o PP contratou á empresa que quería, cando o BNG tiñamos solicitadas previamente ata tres ofertas económicas e contratada a unha empresa con traxectoria recoñecida en servizos enerxéticos”, engadiu a portavoz municipal, Iria Cotelo.
A veciñanza paga por segunda vez un traballo que xa estaba feito polo BNG
Os pregos remitidos á Xunta Consultiva de Contratación son idénticos case en totalidade ao traballo elaborado anteriormente polo goberno do BNG. “Están copiados en máis do 99%, e incluso empeorados ao suprimir criterios de mellora na conciliación laboral para os traballadores”, explican desde o BNG.
“Un documento tan complexo como é a Auditoría Enerxética, foi simplemente adxuntado tal e como se elaborou durante o mandato do BNG, a pesar de que o novo contrato asinado polo PP incluía novamente a realización desta auditoría. Deste xeito, págase cos cartos da veciñanza dúas veces por un traballo que xa estaba feito, e ademais a un prezo máis elevado”, engaden os nacionalistas.
Decisivos na mesa de contratación
Dende o BNG sinalan que “no contrato da ESE, cun orzamento superior aos 12 millóns de euros, case a metade dos puntos para a adxudicación dependen de criterios suxeitos a xuízo de valor, nos que a empresa redactora dos pregos terá un papel clave na súa valoración. Dende o BNG queremos preguntarlle ao PP se ter este poder na adxudicación tivo algo que ver coa contratación dunha empresa afín ao seu partido, ou se lle parece axeitado que participe unha persoa sen experiencia en servizos enerxéticos que ademais foi investigada por prevaricación”.
Para o BNG, queda patente, unha vez máis, a chamada política caciquil do Partido Popular e, ante a gravidade dos feitos, esixe explicacións e a convocatoria dunha comisión informativa.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
