Os senadores do PP por Lugo mantiveron unha reunión con membros da CEL
Lugo, 12 de decembro de 2025. Os senadores do PP lucense – José Manuel Barreiro, José Manuel Balseiro e Juan Serrano- presentaron as medidas do Plan Integral dos Autónomos do Partido Popular a representantes da Confederación de Empresarios de Lugo (CEL) nunha reunión en Lugo na que reivindicaron “menos impostos e máis apoio para quen traballa” e anunciaron unha iniciativa específica para reclamar dende o Senado ao Goberno de Sánchez medidas de apoio aos autónomos lucenses coas que corrixir a tendencia á perda de autónomos na provincia.
O encontro de traballo contou coa participación do secretario xeral da CEL, Jaime López, o conselleiro delegado, Eduardo Valín, o secretario xeral de ATA Galicia, Álvaro Viqueira, e membros do colectivo que representan a distintos sectores económicos da provincia como o da construción, hostalería, taxistas, talleres, instaladores electricistas e de telecomunicacións, autoescolas, academias, consultorías, etc.
Os populares tamén recolleron as necesidades e demandas dos traballadores por conta propia recollendo o documento de prioridades e medidas para as persoas traballadoras autónomas detectadas pola Confederación de Empresarios de Galicia (CEG) a través das organizacións membro.
Os senadores expuxeron os piares do Plan Integral dos Autónomos do Partido Popular: menos impostos e trabas a quen traballa, máis facilidades para emprender e medrar; máis protección e apoio; e máis dereitos e confianza do Estado no autónomo.
Así mesmo, explicaron algunhas das principais medidas que ten anunciado o presidente Feijóo e que inclúe “unha baixada de impostos” ao eximir do pago do IVE aos autónomos con ingresos inferiores aos 85.000 euros anuais.
O PP tamén propón unha ‘Tarifa 0’ ata os 2 anos para os novos emprendedores, reducir as declaracións anuais a dúas ou unha para os novos autónomos, non pagar cotizacións nun ano polo primeiro empregado contratado e un 50% de bonificación no segundo, non pagar cotizacións polas baixas por enfermidade grave, facilidades para traballar despois da idade de xubilación co 100% da pensión, compatibilizar traballo autónomo con traballo por conta allea, exención de cotas durante dous anos trala maternidade ou paternidade, equiparación dos dereitos pola lactancia ou clarificar e incrementar as deducións de gastos.
Os populares lembraron que “os traballadores autónomos teñen un peso especial no conxunto do mercado laboral da provincia de Lugo” onde 1 de cada 4 é traballador por conta propia. Trátase dun colectivo “clave” para a xeración de postos de traballo e o crecemento económico. Con todo, na actualidade, teñen que enfrontarse ao encarecemento dos subministros, o incremento dos trámites burocráticos -incluído o novo sistema de facturación electrónica Verifactu-, os problemas de relevo xeracional e as progresivas subas das cotas de cotización e impostos.
Os senadores do PP lucense advirten que “o Goberno de Sánchez leva 7 anos castigando ao tecido produtivo” e cren que “o Goberno de España debe tomar medidas para apoiar a quen traballa e se esforza” e, de forma particular, “para evitar a perda de autónomos na provincia de Lugo”.
PLAN DE CHOQUE EN APOIO AOS AUTÓNOMOS DE LUGO
Ante a caída xeneralizada do número de autónomos na provincia -dende outubro do 2024 a outubro do 2025 rexistráronse 353 baixas, practicamente 1 ao día-; os senadores lucenses do PP esixirán ao Goberno de Sánchez un plan específico de apoio aos autónomos lucenses que inclúa a avaliación das causas da perda de autónomos na provincia e estableza medidas para corrixir esa tendencia.
Entre as propostas que os populares levarán ao Senado, onde agardan a súa aprobación ao ter garantía a maioría absoluta, inclúen tamén a adopción de medidas de apoio ao autoemprego, a formación e a dixitalización; a rectificación da actual política fiscal cara aos traballadores autónomos -que os últimos 7 anos se traduciron nunha crecente carga impositiva, incerteza e falta de estabilidade normativa- e a esixencia do cumprimento dos compromisos adquiridos cos traballadores autónomos no 2023, impulsando de maneira inmediata as reformas pendentes en materia de protección social, pluriactividade, conciliación e simplificación burocrática.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
