Trabada, 7 de xaneiro de 2026. O Concello de Trabada vén de finalizar as obras de renovación integral do parque infantil da parroquia de Fórnea, unha actuación cun investimento de algo máis de 50.000 euros, que foi posible grazas a un convenio asinado polo alcalde, Rubén García, coa Deputación de Lugo.
Esta intervención supón unha mellora significativa dun espazo destinado ao lecer e á convivencia da veciñanza máis nova, dotando o parque de novos xogos e elementos máis seguros, modernos e adaptados ás necesidades actuais.
O alcalde de Trabada, Rubén García, destacou que “esta actuación enmárcase na liña de traballo que vimos desenvolvendo nos últimos anos para renovar e mellorar os parques infantís de todo o concello, ofrecendo espazos de calidade para os nenos e nenas e tamén para as súas familias”.
Neste sentido, lembrou que xa se levou a cabo a renovación do parque infantil de Trabada, o da Rúa San Roque, o de Sante e agora o de Fórnea, “o que demostra o compromiso do Concello por chegar a todas as parroquias”.
Desde o Concello sublíñase que estas actuacións forman parte do obxectivo de seguir mellorando as infraestruturas municipais e os servizos públicos, neste caso centrados no público infantil, contribuíndo así a unha maior calidade de vida da veciñanza e a fixar poboación no rural.
O alcalde e a concelleira do equipo de goberno, Pilar Fernández, visitaron o parque infantil de Fórnea unha vez rematadas as obras, co obxectivo de comprobar o estado final da actuación e o resultado desta mellora, que xa está a disposición da veciñanza da parroquia.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
