As prazas dispoñibles pasan de seis a doce e son os servizos sociais municipais os que se encargan da selección dos usuarios
Castro de Rei, 12 de febreiro do 2026. O xerente do Consorcio Galego de Servizos de Igualdade e Benestar, Perfecto Rodríguez, destacou hoxe a importancia de seguir consolidando unha rede de recursos locais que chegue a todos os recunchos da xeografía galega, en especial aos concellos rurais e con menor poboación. Fíxoo tras firmar co alcalde, Francisco Javier Balado Teijeiro, a renovación e ampliación do convenio de adhesión do concello de Castro de Rei ao programa Xantar na Casa da Xunta de Galicia.
Con este acordo o concello duplica o número de prazas dispoñibles ao abeiro desta iniciativa, pasando das seis actuais ás doce. A través do Xantar na Casa, garántese unha alimentación saudable, equilibrada e adaptada a necesidades dos maiores que viven sos, das persoas con dependencia ou que están en risco de exclusión social.
Perfecto Rodríguez explicou que son os servizos sociais municipais os encargados de seleccionar ás persoas beneficiarias do programa, que reciben nos seus fogares e nunha única entrega o menú para os sete días da semana, festivos incluídos. Polo tanto, os usuarios so teñen que quentar os alimentos antes de consumilos. Ademais, facilítaselles neveira e microondas no caso de que non dispoñan deles.
O prezo de cada menú é de 7,32 euros, dos que a Xunta financia 3,46 euros, que supoñen practicamente o 50% do total, e o resto é asumido a partes iguais polo concello e o usuario: 1,95 euros cada un.
Na actualidade, o Xantar na Casa chega a máis de 2.500 persoas e a máis de 200 concellos de toda Galicia, repartíndose cada semana máis de 17.500 menús.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
