A actuación ten un orzamento de 768.000,68 euros e o Concello buscará completar o financiamento cunha axuda de 200.000 euros solicitada ao GALP A Mariña-Ortegal, da que se está pendente, e da solicitude que se lle fixo á Vicepresidencia da Deputación o pasado venres polo valor que resta para completar a contía total
Viveiro, 2 de marzo de 2026. O Concello de Viveiro vén de recibir a resolución favorable da Consellería de Emprego, Comercio e Emigración pola que se concede unha subvención de 320.000 euros para a reforma da Praza de Abastos municipal. A achega enmárcase na convocatoria para o impulso dunha rede de mercados excelentes de Galicia e a dinamización e revitalización das prazas de abastos.
Segundo a resolución, a axuda estrutúrase en dúas anualidades de 160.000 euros en 2026 e 160.000 euros en 2027, cunha intensidade de financiamento do 80% sobre un investimento subvencionable de 200.000 euros en cada exercicio.
A reforma da Praza de Abastos de Viveiro conta cun orzamento total estimado de 768.068,68 euros. Co obxectivo de completar o financiamento necesario para executar a actuación, o Concello está pendente tamén da resolución da solicitude presentada ao GALP A Mariña-Ortegal, por importe de 200.000 euros.
Ademais, o pasado venres o Concello solicitou á Vicepresidencia da Deputación de Lugo unha subvención económica para completar o custo total da intervención, dada a relevancia do proxecto e a imposibilidade de asumilo unicamente con fondos municipais.
No escrito remitido á Deputación, o Concello lembra que a Praza de Abastos de Viveiro data de 1925 e foi proxectada polo arquitecto Ricardo García Puig. É un dos edificios de abastos máis antigos de Galicia e un dos máis característicos pola súa tipoloxía de mercado de peixe. Situada no casco histórico da vila, constitúe unha das edificacións máis significativas de Viveiro, polo que a súa protección, promoción e impulso se consideran fundamentais.
O Concello de Viveiro sinala que esta resolución da Xunta supón un paso importante para avanzar nun proxecto prioritario, orientado á rehabilitación e dinamización dun espazo de alto valor arquitectónico, comercial e de identidade para o municipio.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
