O portavoz municipal asegura que “se chegan a rexistrar atrasos de máis dun mes” no reparto polo que se xeran “moitas queixas” dos veciños e veciñas porque “as cartas chegan tarde e teñen, incluso, perdido citas”
Trabada, 23 de marzo de 2026. O Partido Popular advirte que “o PSOE non fixo nada por reforzar o servizo de Correos en Trabada: o alcalde limitouse a escribir unha carta e o Goberno de Sánchez limítase a dicir que adapta a plantilla á cantidade de envíos a distribuír” e que “as leis presupostarias limitan a contratación”.
O portavoz do PP local, José María Fernández, subliña que “hai unha soa persoa” para cubrir o servizo en todo o municipio polo que, como é lóxico pola falta de persoal, “se chegan a rexistrar atrasos de máis dun mes” no reparto de cartas. Nese sentido, “temos recibido moitas queixas” dos veciños e veciñas porque “hai información que lles chega tarde e teñen, incluso, perdido citas”.
Os populares consideran “insuficiente” a resposta oficial do Goberno de Sánchez ás preguntas formuladas polos representantes lucenses no Senado -José Manuel Barreiro, José Manuel Balseiro e Juan Serrano- para coñecer a situación real do servizo de Correos no municipio e as medidas que tiña pensado adoptar o Goberno do Estado para poñer fin ás graves deficiencias que se veñen rexistrando.
A resposta oficial do Goberno revela que “non adoptaron ningunha”, subliñan. “Aseguran que contrataron unha persoa para cubrir en baixa en decembro, pero con iso non solucionan o problema de falta de persoal que xera graves prexuízos no municipio”, indican.
Os populares cren que Correos, como empresa pública dependente do Ministerio de Transportes e Mobilidade Sostible, debería ofrecer un servizo postal áxil garantindo entregas rápidas e seguras, tamén no rural lucense; “pero en Trabada o que está a facer é entorpecer a actividade diaria e empresarial dos veciños e veciñas”.
O portavoz municipal sinala, ao respecto, que “o alcalde non está a xestionar nin tratando de solucionar. O que debería facer é reunirse cos responsables directos do servizo dependente do Goberno de Sánchez, da súa mesma cor política, para tratar de resolver a situación e ofrecer unha solución aos veciños e veciñas. Hai que facer algo máis que escribir cartas”, conclúe.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
