Antonio Ameijide recorda que “a Deputación está para colaborar cos Concellos e non para asfixialos con taxas en obras de interese público ou esenciais para dar servizo aos veciños e que en nada afectan ou danan ás infraestruturas provinciais”
Lugo, 25 de marzo de 2026. Os deputados do Grupo Provincial levan ao Pleno unha proposta para que o goberno de PSOE e BNG na Deputación de Lugo aplique beneficios fiscais ou bonificacións nas taxas que pagan os Concellos por realizar obras nas zonas contiguas ás estradas provinciais ou para o aproveitamento de bens de dominio público provincial que sexan necesarias para prestar servizos públicos de competencia municipal.
O portavoz, Antonio Ameijide, esixe “poñer en marcha o procedemento para modificar as ordenanzas fiscais reguladoras” porque, nos termos actuais, “supón un elevado custo aos Concellos á hora de acometer obras en zonas contiguas ás estradas provinciais como poden ser acometidas de auga potable”. Esta situación pode supoñer, incluso, que as entidades locais teñan que, en ocasións, decidir non executar actuacións de interese para os veciños e veciñas “polo sobrecuste que supón esta taxa, chegando incluso a case superar o pago desta taxa o custe da propia intervención”.
Ameijide explica que “un número importante dos expedientes tramitados pola Deputación de Lugo no marco destas ordenanzas fiscais corresponden a liquidacións practicadas a Concellos, con elevados importes, por unha utilización, obra ou aproveitamento necesario para promover actividades e prestar os servizos públicos que contribúen a satisfacer as necesidades dos veciños e veciñas”.
Antonio Ameijide recorda que “a Deputación está para colaborar cos Concellos e non para asfixialos con taxas en obras de interese público ou esenciais para dar servizo aos veciños e que en nada afectan ou danan ás infraestruturas provinciais”.
ACORDO FAI MÁIS DE 10 ANOS
O Grupo Provincial Popular xa propuxera no Pleno ordinario de decembro de 2015 modificar ambas ordenanzas fiscais reguladoras vixentes: a da taxa por autorizacións de obras e outros aproveitamentos situados en zonas contiguas ás estradas provinciais da Excma. Deputación Provincial de Lugo modificada por última vez en 1994 e a da taxa pola autorización privativa ou o aproveitamento especial dos bens de dominio público provincial da Excma. Deputación Provincial de Lugo modificada por última vez no ano 1998.
Naquel momento, os distintos grupos que integraban a Corporación provincial coincidían na necesidade de modificar estas ordenanzas -atendendo á normativa de aplicación- para que as entidades locais obteñan algún tipo de beneficio fiscal ou bonificación no pago das taxas.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
