Segundo os datos facilitados polo propio Executivo, a plantilla media de Correos na provincia de Lugo pasou de 499 traballadores no ano 2019 a 463 en 2025. “É dicir, hai menos persoal para atender un territorio amplo, envellecido e cunha gran dispersión poboacional que necesita precisamente máis presenza e non menos”, advirten os populares
Lugo, 8 de marzo de 2026. Os senadores do Partido Popular pola provincia de Lugo – José Manuel Barreiro, José Manuel Balseiro e Juan Serrano – rexistraron unha moción na Cámara Alta na que instan ao Goberno de España a adoptar medidas urxentes para reforzar o servizo público de Correos na provincia ante o deterioro que, segundo denuncia, está a sufrir nos últimos anos.
A iniciativa, que será debatida na Comisión de Facenda, alerta dos continuos retrasos no reparto, da acumulación de correspondencia e da sobrecarga de traballo que están a sufrir os carteiros, unha situación que afecta especialmente aos concellos do medio rural.
Os senadores populares sinalan que esta situación é consecuencia “dunha política de recortes encubertos, da falta de planificación e da ausencia de reforzos suficientes por parte do Goberno”, do que depende a empresa pública Correos.
Segundo os datos facilitados polo propio Executiva en resposta a preguntas parlamentarias do PP, a plantilla media de Correos na provincia de Lugo pasou de 499 traballadores no ano 2019 a 463 en 2025. “É dicir, hai menos persoal para atender un territorio amplo, envellecido e cunha gran dispersión poboacional que necesita precisamente máis presenza e non menos”, advirten.
Ademais, as respostas do Goberno recoñecen que máis do 13% da plantilla se atopa en situación de incapacidade temporal, unha circunstancia que, segundo denuncian os populares, “non se está a cubrir coa rapidez necesaria”, o que provoca atrasos no reparto e unha maior carga de traballo para o resto do persoal.
Os senadores lembran tamén que en distintos municipios lucenses -como Ribas de Sil, O Valadouro, Alfoz, Foz ou Trabada, entre outros- se están rexistrando problemas no funcionamento do servizo debido á falta de efectivos e á acumulación de baixas sen substituír.
Para o PP, esta situación afecta con especial intensidade ao rural lucense. “En moitos concellos o carteiro converteuse nun servizo esencial que compensa o peche de oficinas bancarias ou a desaparición doutros servizos administrativos”, sinalan.
Por este motivo, a moción presentada polos senadores populares reclama ao Goberno que adopte medidas inmediatas para reforzar a plantilla de Correos na provincia, cubrir todas as vacantes estruturais e garantir a substitución automática das baixas, así como dotar ás oficinas e unidades de reparto dos medios necesarios para asegurar a calidade e puntualidade do servizo.
Ademais, propoñen a posta en marcha dun plan específico de reforzo para o medio rural lucense que garanta que ningún municipio vexa reducido o seu servizo postal por falta de persoal.
“Non se pode falar de reto demográfico e cohesión territorial mentres se debilita un servizo público básico no rural”, conclúen os senadores do PP.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
