Ribadeo, 26 de marzo de 2026. Recursos de Galicia ofrecerá información sobre os descontos na factura da luz aos fogares afectados polo parque eólico Mondigo Beneficia. Será o 1 de abril no auditorio municipal Hernán Naval.
O alcalde, Dani Vega, contou que “no día de onte, Recursos de Galicia trasladouse aos municipios. En Ribadeo tamén houbo un análise pegado ao territorio, un análise profundo. Vimos o radio de acción que afecta, cada aeroxenerador, sendo conscientes desa medida de 1,8. Eu creo que é un impacto importante no territorio que vai ter beneficios, evidentemente, en todos os fogares”.
Para o rexedor “todos debemos ser coñecedores que non é unha foto fixa, non é algo permanente, é algo que, de forma gradual, de forma paulatina, irán introducindo mais fogares. Na primeira foto temos un impacto importante na zona. De forma gradual irán introducindo mais fogares, tamén terá un impacto na empresa, a redución da factura é para fogares e para empresas. Repito, nestes momentos os fogares van ter unha redución do 80% do prezo enerxético. Eu creo que é algo a considerar, algo a poñer en valor. Creo que esta medida nace evidentemente aquí, trasládase á Xunta, é unha medida que desde un primeiro momento Ribadeo defendeu coas distintas xestións e reunións que tivemos coa Xunta. O impacto non é soamente Ribadeo, senón que é tamén é Trabada e Barreiros. Polo tanto estamos a falar dun beneficio colectivo”.
Vega subliñou que “o vindeiro mércores, 1 de abril, de 9 a 13 horas no auditorio haberá información e asesoramento individual para cada un dos veciños que precise a información, que tamén precise axuda para solicitar esa rebaixa do prezo enerxético no recibo. Recordade que tedes que levar as doce últimas facturas, iso tamén é unha documentación necesaria. Eu creo que o Concello e Recursos de Galicia están tendo unha colaboración total e absoluta. Está habendo tamén por parte do Concello unha reivindicación para que ese radio de acción afecte a máis fogares, pero sendo conscientes e coñecedores que a rendabilidade do parque ten que ser unha realidade”.
O alcalde dixo que “nestes momentos nós temos 2 aeroxeneradores. E o impacto é o que é. Non podemos empezar a casa polo teito, senón todo contrario, ir construíndo con forza e con estabilidade. 2 aeroxeneradores que teñan un impacto nos fogares no maior número posible, pero sendo conscientes de que ten que ser gradual e paulatino para buscar a rentabilidade do parque”.
E engadiu: “repito, o vindeiro mércores, día 1 de abril, de 9 a 13 horas, haberá asesoramento no auditorio, recordade levar as doce últimas facturas para que xa se poida facer a solicitude e que na maior brevidade xa cause efecto esa rebaixa do 80% no prezo enerxético do recibo da luz”.
Haberá novas sesións informativas os días 8, 15, 21 e 28 de abril.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
