O popular advirte de “atrasos no reparto, acumulación de correspondencia, oficinas saturadas e carteiros desbordados a consecuencia dunha política de recortes encubertos, falta de planificación e ausencia de reforzos suficientes” por parte do Goberno de España, do que depende a empresa pública Correos
Lugo, 11 de maio de 2026. O senador popular José Manuel Balseiro defenderá este martes na Comisión de Hacienda do Senado unha iniciativa sobre a situación do servizo de Correos na provincia de Lugo.
Atrasos no reparto, acumulación de correspondencia, oficinas saturadas e carteiros desbordados “son a consecuencia directa dunha política de recortes encubertos, falta de planificación e ausencia de reforzos suficientes” por parte do Goberno de España, do que depende a empresa pública Correos.
O popular advirte da “precariedade” do servizo de Correos, empresa pública dependente do Ministerio de Transportes e Mobilidade Sostible, que rexistra atrasos no reparto do correo postal a veciños e veciñas de varios municipios, especialmente do rural, debido á escaseza de persoal.
Nese sentido, Balseiro defende “un servizo postal áxil que garanta entregas rápidas e seguras” mentres que, na actualidade, “está a entorpecer a actividade diaria de veciños e empresas que reciben con atraso comunicacións, en moitos casos, de gran importancia; a pesar do esforzo do persoal por prestar o servizo”.
As respostas do Goberno ás preguntas formuladas polos senadores do PP lucense ante a situación de moitos municipios como Ribas de Sil, O Valadouro, Alfoz, Trabada ou outros puntos da provincia, evidencian “unha preocupante redución de efectivos, vacantes sen cubrir e baixas que non se substitúen”.
Polo tanto, Balseiro instará ao Goberno de Sánchez a adoptar de xeito inmediato medidas para reforzar o persoal de Correos na provincia, cubrindo todas as vacantes estruturais e garantindo un número de efectivos suficiente para prestar o servizo con normalidade.
Así mesmo, esixe a substitución automática e sen demora de todas as baixas laborais, xubilacións ou ausencias temporais, evitando que a carga de traballo recaia sobre persoais xa insuficientes.
Igualmente reclaman dotar ás oficinas e unidades de repartición da provincia de Lugo dos medios materiais e organizativos adecuados para asegurar a regularidade, calidade e puntualidade do servizo postal universal.
E reclama un plan específico de reforzo para o medio rural lucense que garanta que ningún municipio vexa minguado o seu servizo postal por falta de persoal.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
