Barreiros, 16 de maio de 2026. A alcaldesa, Ana Ermida e o concelleiro de dinamización e deputado provincial, Dani García presentaron as actividades que se levarán a cabo o domingo 17 de maio no mercadiño de primavera, que servirá tamén para festexar o Día das Letras Galegas.
A xornada comezará ás 11 horas coa apertura dos postos acompañado da actuación do grupo de gaitas da agrupación folclórica local O Arco da Vella. Seguidamente amenizará o mercadiño o grupo Os Mustélidos & Fran Zelop cun repertorio íntegro en lingua galega.
Como xa é habitual neste evento organizado polo Concello de Barreiros e que conta coa colaboración da área de Rural da Vicepresidencia da Deputación de Lugo, realizarase unha degustación de elaboracións con razas autóctonas, que serán presentadas a vindeira semana. Todas as persoas que fagan algunha compra nos postos disporán dun vale para a desgustación.
Actividades variadas para todos os públicos
Durante a xornada realizaranse dous obradoiros relacionados coas flores e coas plantas. O primeiro deles, en xornada de mañá, será sobre os saberes tradicionais con plantas silvestres (melisa, caléndula e ortiga) no cal as persoas asistentes descubrirán como recoñecer estas plantas así como distintos usos prácticos e tradicionais que se realizan con elas e elaborarán distintas preparacións.
No segundo obradoiro, en xornada de tarde, elaborarase unha cápsula decorativa con flor seca. Os talleres serán de balde e para anotarse será preciso inscribirse previamente no rexistro do Concello a partir do vindeiro luns 11 de maio e terán unha capacidade máxima de 15 prazas con preferencia para xente empadroada en Barreiros.
Para a alcaldesa, Ana Ermida, “os mercadiños son unha xornada de encontro entre a veciñanza e que tratamos de organizar de maneira que todo o mundo poida participar en algunha das moitas actividades que se programan ao largo do día. Estamos moi orgullosos e orgullosas de que esta iniciativa sexa sempre un éxito de participación”.
Tamén en xornada de tarde os mais pequenos terán actividades de manualidades e contaremos co posto divulgativo Lambiscadas Científicas de Xuven Lab no cal se achega a ciencia ao público dun xeito próximo, dinámico e participativo. As persoas visitantes poderán coñecer máis sobre as carrachas a través dunha pequena presentación divulgativa centrada en que son, como actuar ante unha picadura e que medidas de prevención debemos adoptar.
Ademais, os máis pequenos poderán participar nunha actividade práctica de cromatografía, creando flores de cores mentres descobren conceptos científicos como as mesturas e a separación de pigmentos. No posto tamén estarán dispoñibles trípticos divulgativos sobre diferentes temáticas científicas e ambientais —como montes veciñais, velutinas ou superbacterias— co obxectivo de dar a coñecer este proxecto e ofrecer información ás asociacións ou entidades interesadas en solicitar futuras charlas e actividades divulgativas. Trátase dun proxecto financiado pola área de Rural da Vicepresidencia da Deputación de Lugo.
Para finalizar o mercadiño, o Coro Airiños do Mar de Barreiros deleitaranos cun repertorio especial do Día das Letras Galegas, antes do tradicional sorteo de cestas con produtos dos distintos postos.
“Facer partícipe destes mercadiños á xente de Barreiros e ver como en cada cita aumenta o interese da veciñanza por participar nas distintas actividades é sin dúbida moi gratificante”, recalca o concelleiro de dinamización.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
