A Coruña, 15 de maio, 2026. O Ministerio de Industria e Turismo constatou avances significativos e verificables no proceso de recuperación da actividade industrial da planta de Alcoa en San Cibrao, tras a reactivación do 100% das cubas de electrólise, un fito clave para consolidar a estabilidade operativa e produtiva do complexo.
Este balance púxose de manifesto no marco da décimo novena reunión de seguimento, na que participaron o secretario de Estado de Industria, Jordi García Brustenga, acompañado polo delegado do Goberno en Galicia, Pedro Blanco, e pola subdelegada do Goberno en Lugo, Olimpia López; representantes da Xunta de Galicia, membros da dirección de Alcoa e responsables do comité de empresa.
A planta culminou así o rearranque completo das súas 512 cubas, recuperando a súa capacidade de produción tras máis de catro anos marcados pola hibernación da actividade e polas dificultades derivadas dos elevados custos enerxéticos.
Durante o encontro, as partes revisaron o grao de cumprimento dos compromisos adquiridos no Memorando de Entendemento (MoU) asinado en 2025 entre o Goberno de España, a Xunta de Galicia, Alcoa e IgnisEQT, que sentou as bases para a continuidade da planta e a súa reactivación progresiva.
Axudas estatais á empresa
En materia de investimentos, púxose en valor o respaldo público ao complexo industrial, incluíndo a concesión de 40 millóns de euros a través do PERTE de Descarbonización Industrial, ademais da dispoñibilidade de instrumentos de financiamento como o Fondo de Apoio ao Investimento Industrial Produtivo (FAIIP). Neste sentido, un dos obxectivos destas axudas sería financiar a construción dun novo forno.
Este acompañamento enmárcase nunha estratexia máis ampla de impulso á descarbonización, mellora da competitividade enerxética e garantía de continuidade dun enclave industrial único en España, que integra a produción de alúmina e aluminio primario.
“Valoramos o claro compromiso da empresa para avanzar nun dobre obxectivo estratéxico: manter a actividade integral do complexo e asegurar a súa viabilidade económica a curto, medio e longo prazo. Desde o Ministerio seguiremos apoiando e acompañando este proceso de traballo conxunto con todos os actores implicados”, sinalou o secretario de Estado de Industria.
O Ministerio reiterou a súa vontade de manter un diálogo permanente con todas as partes implicadas, garantindo o seguimento continuo dos acordos e a viabilidade do ciclo integral do aluminio en San Cibrao.
O complexo industrial, que emprega máis dun milleiro de traballadores directos e representa unha infraestrutura clave para a cadea de valor do aluminio en España, afronta agora unha nova etapa marcada pola recuperación da actividade, aínda que con desafíos pendentes en materia enerxética e investidora.
Con estes avances, o Goberno reforza o seu compromiso coa consolidación dun proxecto industrial estratéxico para Galicia e para o conxunto do tecido produtivo nacional, nun contexto no que a industria do aluminio resulta esencial para sectores clave como a automoción, a transición enerxética e a defensa.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
