A Coruña, 15 de maio, 2026. O Ministerio de Industria e Turismo constatou avances significativos e verificables no proceso de recuperación da actividade industrial da planta de Alcoa en San Cibrao, tras a reactivación do 100% das 512 cubas de electrólise, un fito clave para consolidar a estabilidade operativa e produtiva do complexo. Este balance púxose de manifesto na décimo novena reunión de seguimento, na que participaron o secretario de Estado de Industria, Jordi García Brustenga; o delegado do Goberno en Galicia, Pedro Blanco; a subdelegada do Goberno en Lugo, Olimpia López; representantes da Xunta; a dirección de Alcoa e o comité de empresa.
As partes revisaron o grao de cumprimento do Memorando de Entendemento (MoU) asinado en 2025 entre o Goberno de España, a Xunta de Galicia, Alcoa e IgnisEQT, que sentou as bases para a continuidade da planta e a súa reactivación progresiva tras máis de catro anos marcados pola hibernación da actividade e polos elevados custos enerxéticos.
Investimentos e apoio público
O Ministerio puxo en valor o respaldo estatal ao complexo industrial, incluíndo a concesión de 40 millóns de euros do PERTE de Descarbonización Industrial, así como a dispoñibilidade de instrumentos como o Fondo de Apoio ao Investimento Industrial Produtivo (FAIIP). Un dos obxectivos destas axudas é precisamente financiar a construción dun novo forno de cocción de ánodos, considerado esencial para mellorar a eficiencia e competitividade da planta.
Neste contexto, o secretario xeral do PSdeG, José Ramón Gómez Besteiro, asegurou que “xa non hai escusas para que Alcoa non inicie a construción do forno de cocción de ánodos”, ao entender que, unha vez concedido o PERTE, “xa non existe ningún impedimento” para executar unha actuación incluída no plan de viabilidade. Besteiro subliñou que o forno contribuirá á rendibilidade da fábrica ao evitar a compra de ánodos no estranxeiro.
Xestión de residuos e balsa de lodos
Besteiro referiuse tamén á situación da balsa de lodos, que precisa ampliación para continuar operando. Chamou a realizar “unha reflexión sensata” sobre o futuro desta infraestrutura e a abrir liñas de estudo para a valorización dos residuos, dado o potencial aproveitamento de metais e outros materiais presentes nos lodos. Tamén apuntou á posibilidade de reducir o volume mediante procesos de solidificación.
Subministro eléctrico e innovación
Outro dos puntos críticos segue a ser o abastecemento enerxético. O líder socialista expresou confianza en que o Goberno complete canto antes as conexións que dependen do Estado, mentres que lembrou que as que corresponden á Xunta permanecen paralizadas pola Xustiza. Ao mesmo tempo, advertiu de que a empresa debe avanzar en innovación e eficiencia, reducindo o consumo eléctrico e non só buscando enerxía máis barata.
Un complexo estratéxico para Galicia e España
O Ministerio reiterou a súa vontade de manter un diálogo permanente con todas as partes implicadas, garantindo o seguimento continuo dos acordos e a viabilidade do ciclo integral do aluminio en San Cibrao. O complexo, que emprega máis dun milleiro de traballadores directos, é unha infraestrutura clave para sectores como a automoción, a transición enerxética e a defensa. Con estes avances, o Goberno reforza o seu compromiso coa consolidación dun proxecto industrial estratéxico para Galicia e para o conxunto do tecido produtivo nacional.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
