Cervo, 12 de maio do 2026. A alcaldesa de Cervo, Dolores García Caramés, achegouse ata o campo municipal da Veiga, en San Cibrao, para comprobar in situ a utilidade dos novos banquiños móbiles incorporados recentemente ás instalacións deportivas municipais, coincidindo cun adestramento das categorías inferiores do CD San Ciprián, que contou tamén coa presenza do presidente do Club, Eduardo Rubal.
Esta nova dotación, financiada integramente con fondos propios do Concello, permitirá mellorar notablemente a organización e o desenvolvemento dos encontros e sesións de traballo dos equipos de base, especialmente nos partidos a medio campo que disputan os máis pequenos, que non empregan o terreo de xogo completo. Os banquiños poden trasladarse facilmente segundo as necesidades de cada partido ou adestramento, favorecendo unha maior comodidade tanto para xogadores como para corpos técnicos.
A rexedora destacou que “seguimos apostando por mellorar pouco a pouco as instalacións deportivas municipais e por ofrecer recursos útiles e funcionais aos clubs con investimentos realizados con fondos propios municipais”.
Neste senso, subliñou que “o deporte base é unha prioridade para o Concello, porque ademais de fomentar hábitos saudables, transmite valores fundamentais como o compañeirismo, o esforzo e o respecto”.
Dolores García Caramés incidiu tamén en que “estes banquiños son especialmente prácticos para os encontros das categorías inferiores, nos que se empregan dimensións reducidas do campo, permitindo adaptar os espazos ás necesidades reais de cada equipo”. Ademais, puxo en valor “o gran traballo que realiza o CD San Ciprián coa canteira e coa promoción do deporte entre os máis novos”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
