Desde que se produxo a transición á democracia e ata hai uns anos, as dereitas españolas aínda lograron manter un certo pudor no exercicio da acción política.
Pero, dende a aparición do Trumpismo e a emerxencia de VOX, o escenario político cambiou. As dereitas fóronse radicalizando e degradando o seu discurso ata lograr normalizar un certo comportamento pendencieiro na práctica política diaria. Pasando de finxir que os conducía a virtude e as boas prácticas no desenvolvemento da acción política a traspasar as mínimas normas do decoro que operan en toda vida pública civilizada.
Esta nova actitude que rachou con todo formalismo democrático, as levou a abandoar toda labor de oposicion fundamentada en debates programáticos e nunha moral revestida dun certo pragmatismo para ir decididamente polo poder dende un claro exercicio de cinismo político onde todo vale.
Este comportamento ateigado de desfachatez e de descaro dá a impresión de que forma parte da súa mensaxe, no senso de querer provocar unha sensación de clara ruptura cos consensos democráticos tradicionais e desta forma, canalizar os descontentos sociais hacia todo o que proporciona concordia, estabilidade e avances progresistas, porque o que realmente se busca é tensionar a vida pública e dificultar todo tipo de diálogo institucional que posibilite o acordo entre diferentes.
Nesta estratexia de buscar a confrontación e a degradación da vida pública democrática, non só está a dereita política, pois todo indica que hai unha coordinación de actores implicados e operando na mesma direccion. Isto é o preocupante, xa que nos permite pensar que a batalla que se está librando vai moito máis aló do normal xogo político nun sistema democrático ata afectar ás mesmas costuras do sistema, o que está a provocar desconfianza en amplios sectores sociais no devandito sistema e no propio Estado.
Igual, con esta estratexia tan ao límite, é o que se está a buscar: erosionar e desestabilizar a democracia para avanzar deica un sistema post democrático no que se poña en cuestión todas as conquistas sociais e políticas levadas a cabo ao longo destes últimos cincuenta anos.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
