Ribadeo, 30 de xuño de 2026. A praia das Catedrais estará pechada o 12 de agosto para garantir a seguridade das persoas que acudan a ver o eclipse solar. Ribadeo e Lalín seguirán este fenómeno a través de pantallas xigantes coas explicacións que ofrecerá o profesor José Ángel Docobo, que é catedrático de astronomía da USC e director do observatorio Ramón María Aller.
O alcalde, Dani Vega, explicou que “hoxe tivemos unha reunión coa Consellería de Medio Ambiente, concretamente coa directora de Patrimonio Natural, para coordinar todos os traballos relativos ao eclipse do vindeiro 12 de agosto. Nas Catedrais, punto de referencia e de encontro, onde tamén vai ter presenza Lalín con esa pantalla onde a explicación do profesor Docobo vai ser unha explicación do que é o eclipse e tamén das perseidas, é unha charla pedagóxica para explicar o impacto e o que significa o eclipse. Nas Catedrais o eclipse verase durante un minuto 45 segundos de tempo e iso convértenos no concello onde mais tempo poderemos disfrutalo”.
O rexedor dixo que “a praia das Catedrais é un espazo, un sitio, un entorno natural perfecto. Estamos acostumados a xestionar 4.500 persoas diariamente nese areal, pero o que é verdade é que temos que tomar medidas. Primeiro, o areal vai estar pechado, nos próximos días, a Consellería tamén informará a todos os axentes implicados, o 12 e tamén o 13 de agosto ata as 7:30 da mañá non se vai poder entrar na praia das Catedrais, tampouco vai permitirse sacar pases para esas datas. Iso vai estar todo coordinado. O espazo onde poderá verse o eclipse vai ser no aparcamento público, aí estará situada a pantalla e aí será a explicación, todo perfectamente coordinado, por iso no día de onte tiñamos a xunta local de seguridade e en consecuencia está todo organizado”.
Vega engadiu: “agradecer á directora xeral de Patrimonio Natural, ao director territorial de Medio Ambiente, aos técnicos municipais e da Xunta a coordinación perfecta e tamén neste caso outra vez á Policía Local, porque estamos traballando de forma conxunta con todas as administracións”.
O alcalde ribadense subliñou: “creo que pode ser unha oportunidade para Ribadeo converterse nese espazo para poder observar o eclipse e con esa coordinación e con esa colaboración institucional moito mellor”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
