Burela, 30 de xuño de 2026. A Sociedade Deportiva Burela celebrou na tarde do luns a súa Asemblea Xeral Ordinaria e Extraordinaria, na que os socios aprobaron os principais asuntos da orde do día e quedou oficialmente constituída a Xunta Directiva que encabezará o club durante o período 2026-2030.
Na Asemblea Ordinaria presentouse a memoria deportiva da tempada 2025-2026, o balance económico da entidade e o orzamento para a próxima campaña, facendo un repaso ao traballo desenvolvido durante os últimos meses tanto a nivel deportivo como organizativo.
Posteriormente, na Asemblea Xeral Extraordinaria, deuse conta do proceso electoral celebrado tras a finalización do mandato da anterior directiva. Unha vez rematado o prazo de presentación de candidaturas, foi presentada unha única candidatura, encabezada por Jairo Campo Vázquez, que resultou proclamada para un novo mandato.
A Xunta Directiva queda composta por:
Presidente: Jairo Campo Vázquez.
Vicepresidente: Simón Martínez Díaz.
Secretaria: Lorena Expósito Fernández.
Tesoureiro: Diego Dos Santos Gómez.
Vocais: Adrián Marrube Geada, Pablo Vila Quelle, Miguel Ángel Gomes Gomes, Yeray Paleo Grandío e Manuel Martínez Díaz.
A nova directiva afronta esta etapa coa vontade de dar continuidade ao traballo realizado nos últimos anos, consolidando o crecemento deportivo e social da entidade, fortalecendo a estrutura do fútbol base e continuando co desenvolvemento do primeiro equipo.
A SD Burela quixo agradecer aos socios, patrocinadores, colaboradores, familias, voluntarios e afección o apoio recibido durante estes anos, destacando que o compromiso de todos eles foi fundamental para converter ao club nun referente deportivo no municipio.
A directiva reafirma o seu compromiso de seguir traballando con responsabilidade, transparencia e ilusión para que a SD Burela continúe medrando dentro e fóra do terreo de xogo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
