Cervo, 26 de xuño do 2026. O Concello de Cervo anima á veciñanza e aos visitantes a participar nas tradicionais Festas da Senra, que se celebrarán o vindeiro sábado 27 de xuño cun completo programa relixioso, cultural e festivo organizado pola Asociación Cultural e Recreativa O Raxal, coa colaboración do Concello de Cervo.
A presentación da programación contou coa participación da alcaldesa de Cervo, Dolores García Caramés, e de membros da Asociación Cultural e Recreativa O Raxal, entidade encargada da organización dos festexos, que destacaron a importancia de manter vivas as tradicións e de impulsar actividades que favorezan a convivencia e a participación veciñal.
A xornada dará comezo ás 13:00 horas coa misa na honra de San Pedro e da Virxe do Carme, cantada polo Coro Parroquial de Cervo, seguida da tradicional procesión acompañada polo grupo Fol do Raxal.
A continuación celebrarase unha sesión vermú amenizada pola orquestra Galaxia, que tamén será a encargada de poñer a música á gran verbena nocturna, prevista para as 22:30 horas, xunto á discomóbil ConXuro.
Os actos festivos prolongaranse ata o luns 29 de xuño, día de San Pedro, cando terá lugar unha misa na súa honra ás 19:00 horas.
Desde o Concello de Cervo e desde a Asociación Cultural e Recreativa O Raxal convidan a toda a cidadanía a achegarse á Senra para gozar dunhas festas que combinan tradición, música, relixiosidade e convivencia, converténdose nunha cita destacada do calendario festivo do municipio.
A alcaldesa, Dolores García Caramés, destacou que “as Festas da Senra son unha cita moi especial dentro do calendario festivo de Cervo, porque representan o compromiso da veciñanza coa conservación das nosas tradicións e coa dinamización social e cultural das parroquias”.
Ademais, quixo agradecer o traballo da Asociación Cultural e Recreativa O Raxal, sinalando que “o labor que realiza durante todo o ano é fundamental para manter vivas celebracións tan arraigadas como esta, que cada edición reúnen a numerosas persoas arredor da música, da tradición e da convivencia”.
García Caramés tamén convidou á participación cidadá, “animamos tanto aos veciños e veciñas como ás persoas que nos visitan a achegarse á Senra e desfrutar dunha programación pensada para todos os públicos, que combina os actos relixiosos coa música e o ambiente festivo característico destas datas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
