Iria Castro, deputada de Cultura: “A ampliación do Museo do Mar estaría feita se non fose polo boicot do Partido Popular e de Alfonso Villares”

Lugo, 30 de xuño 2026. O grupo provincial do BNG reafirmou deste martes o seu compromiso co Museo do Mar de San Cibrao e emprazou á Xunta de Galicia e ao Concello de Cervo a un acordo institucional coa Deputación para financiar a tres bandas un proxecto de ampliación do edificio.

A portavoz nacionalista e responsable de Cultura no goberno provincial Iria Castro fixo esta proposta no pleno provincial deste martes, onde lembrou que o BNG liderou desde o Concello de Cervo e desde a Deputación a protección e ampliación do Museo do Mar.

Nesa liña, a portavoz nacionalista recordou que “foi o BNG quen impediu que se construise a carón do Museo un mamotreto de cinco alturas ,un atentado urbanístico alentado polo PP de Cervo, e quen presentou en 2011, con Antonio Veiga no goberno provincial, un proxecto de ampliación que o PP de Cervo, con Alfonso Villares á cabeza, boicoteou”.

A portavoz nacioanlista repasou as decisións e posturas adoptadas nos últimos anos para concluír que “non imos admitir chantaxes nin imposicións do PP” en relación co Museo do Mar.

“A ampliación do Museo merece un debate serio e válido para a sociedade” e un “marco de colaboración institucional” dixo a deputada nacionalista, que emprazou ao Concello de Cervo “a sentarse a falar coa Xunta, que ten as competencias en patrimonio e museos, e co delegado Alfonso Villares, que hoxe está en posición de comprometer financiamento para o Museo do Mar”. “Se é asi podemos sentarnos a falar dunha ampliación”, concluíu