Ribadeo, 25 de xuño de 2026. De cara ao vindeiro curso académico 2026-2027 o Centro Integrado de Formación Profesional (CIFP) Porta da Auga, de Ribadeo, aumenta a súa oferta educativa, destacando como novidades o grao básico de Electricidade e Electrónica, o grao básico de Servizos Administrativos, neste caso para persoas adultas (maiores de 18 anos) ou o grao medio de Instalacións Eléctricas e Automáticas en modalidade ordinaria, todos eles en horario de mañá, de 08:30 a 15:00 horas.
O director do CIFP Porta da Auga, Isidro Berdeal, explica ademais: “aparte destas novidades, seguimos contando con distintos graos básicos, medios e superiores en horario de mañá: o vindeiro curso ofertamos o grao medio de Instalacións Eléctricas e Automáticas e o grao superior de Automoción en horario de tarde e en modalidade dual intensiva.
Poderanse cursar tamén formacións aceleradas de 4 meses de duración en Reparación de Carrozarías, así como o Curso de Especialización de grao superior de Vehículos Híbridos e Eléctricos, ambos en horario de tarde. Ademais continuamos tendo o grao medio de Xestión Administrativa e os graos superiores de Administración e Finanzas e de Asistencia á Dirección, en modalidade a distancia”.
As prazas son limitadas e o prazo de admisión está aberto ata o día 30 de xuño.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
