Os senadores populares demandan tamén actuacións de seguridade e unha planificación que minimice o impacto do tráfico durante as obras, tendo en conta as longas ringleiras de vehículos que provocaron os traballos de construción da primeira rotonda
A Mariña, 30 de xuño de 2026. Os senadores do Partido Popular pola provincia de Lugo -José Manuel Barreiro, José Manuel Balseiro e Juan Serrano- reclamaron ao Goberno de España que desbloquee de maneira inmediata a construción da segunda rotonda prevista na N-642, ao seu paso por Cangas de Foz (na intersección coa estrada que comunica co Valadouro), unha infraestrutura fundamental para mellorar a seguridade viaria nun dos puntos con maior intensidade de tráfico da Mariña.
A resposta remitida polo Executivo a unha iniciativa parlamentaria presentada polos representantes lucenses confirma que a segunda glorieta continúa sen executarse. O Ministerio responsabiliza do retraso ao Concello e á empresa Begasa, que aínda non acometeron as modificacións dos servizos afectados que, segundo o Ministerio, aínda en tramitación.
O senador José Manuel Balseiro considera que esta contestación evidencia a falta de planificación e de compromiso do Ministerio de Transportes. “O Goberno limítase a trasladar a responsabilidade a terceiros e segue sen ofrecer unha data de inicio nin un calendario de finalización das obras, algo incomprensible nunha actuación que foi anunciada como prioritaria para a seguridade viaria da comarca”, sinalou.
Balseiro lembra que a previsión inicial era que ambas as dúas rotondas estivesen rematadas antes de 2025 e lamenta que, máis dun ano despois da posta en servizo da primeira, a segunda continúe paralizada. “Estamos a falar dun cruce especialmente sensible, que soporta un importante volume de tráfico e no que é necesario actuar canto antes para reducir os riscos e mellorar a mobilidade”, indicou.
Falta de planificación e dun plan que evite longas retencións
O senador popular engadiu que “o Executivo recoñece implicitamente que a actuación está adxudicada e preparada para executarse, pero segue sen resolver cuestións previas que deberían terse planificado con suficiente antelación para evitar novos atrasos”.
Os representantes do PP no Senado tamén reclamaron que, mentres non se materializa a obra, se adopten medidas complementarias que reforcen a seguridade no cruzamento e que se garanta unha correcta planificación dos traballos para evitar os problemas de circulación e as importantes retencións que se produciron durante a execución da primeira glorieta, especialmente dos vehículos das persoas que traballan no hospital da Costa, en Alcoa e no porto de Burela, entre outros.
“Os veciños da Mariña merecen infraestruturas seguras e unha administración que cumpra os compromisos adquiridos. Non é aceptable que unha actuación anunciada hai anos siga sen avances reais nin explicacións por parte do Goberno”, concluíu José Manuel Balseiro.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
