Trabada, 30 de xuño de 2026. O Concello de Trabada vén de executar novas actuacións de mellora en materia de seguridade en diferentes puntos do municipio, concretamente nos lugares de Trabadela, Sante e A Ría de Abres.
Os traballos realizados consistiron na substitución de barandillas en diferentes pontes no lugar de Trabadela, na instalación dunha nova barandilla no lugar da igrexa de Sante e na colocación dun novo peche no pozo de incendios de San Martiño, na parroquia da Ría de Abres.
Estas actuacións teñen como obxectivo reforzar a seguridade nestes espazos e mellorar as condicións de uso para a veciñanza, contribuíndo tamén á conservación e mantemento das infraestruturas municipais.
O alcalde de Trabada, Rubén García, destacou que “seguimos traballando para mellorar a seguridade en diferentes puntos do concello e actuando de forma progresiva en todas as parroquias”.
O rexedor engadiu que “desta forma continuamos executando pequenas actuacións que son importantes para o día a día da veciñanza e que permiten seguir mellorando os espazos públicos e as infraestruturas municipais”.
Desde o Concello subliñan que estas intervencións forman parte do compromiso municipal de continuar actuando nas diferentes parroquias para reforzar servizos, seguridade e calidade de vida.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
