Ribadeo, 25 de xuño, 2026. Ribadeo prepárase para vivir unha fin de semana chea de animación, música e solidariedade coa celebración da segunda edición de A Troula Rayista. Durante o venres 26, sábado 27 e domingo 28 de xuño, veciñanza e visitantes poderán gozar dunha programación moi completa, pensada para todos os públicos e que combina o ocio estival cunha causa social de fondo.
O evento está organizado polo equipo de fútbol veterano Rayo Ribadeo. A iniciativa naceu o ano pasado da vontade da directiva de facer “algo por y para Ribadeo”, dinamizando a vida social do municipio. Desde o primeiro momento, os organizadores tiveron claro que a cita debía contar cun forte compoñente benéfico. Nesta segunda edición, renóvase a colaboración coa asociación CMT Spain e engádese un motivo de apoio moi próximo: axudar a Naiara, unha nena ribadense de 8 anos que convive cunha enfermidade rara. Parte da recadación obtida no servizo de bar durante toda a fin de semana destinarase directamente á familia da pequena e á citada asociación.
A Troula Rayista consolídase como unha alternativa de ocio integral, ofrecendo un amplo abano de propostas no seu recinto:
– Mercado artesanal: arredor de 60 postos con produtos únicos, artesanía e variedade de creacións.
– Oferta gastronómica: unha área con 6 foodtrucks con diferentes opcións para comidas, ceas e petiscos.
– Música en directo e espectáculos: concertos, sesións de DJ e agrupacións tradicionais.
– Actividades infantís: espectáculos continuos de circo e propostas específicas para os máis pequenos.
Programa completo de actividades
Venres 26 de xuño
Horario do recinto: 19:00–01:00 h
22:00 h – Concierto: KornuCopia.
Sábado 27 de xuño
Horario do recinto: 11:00–04:00 h
13:30 h – Actuación de Pandereteiros do Inferno.
14:30 h – Sesión musical con DJ Darío.
19:00 h – Show de circo (espectáculo familiar e infantil).
20:00 h – Concerto do profesorado do Curso de Jazz de Ribadeo (Asociación Cultural Brúar e Escola Municipal de Música).
22:00 h – Concierto: Leit Motiv.
Domingo 28 de xuño
Horario do recinto: 09:00–17:00 h
12:30 h – Show de circo.
13:30 h – Concierto: Dúo La Mecánica.
Desde a directiva do Rayo Ribadeo Veteranos faise un chamamento a toda a comarca da Mariña e arredores para achegarse, gozar do ambiente e contribuír a unha causa solidaria que busca mellorar a calidade de vida dunha nena do municipio.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
