Xunto con colectivos veciñais e sociais traballarán na preparación de mobilizacións
Viveiro, 1 de xullo, 2026. Coincidindo co inicio do Resurrection Fest en Viveiro, ao que acoden milleiros de persoas circulando polas mesmas estradas de hai corenta anos, o BNG continúa coa campaña iniciada no mes de decembro e vén de colocar un valado publicitario en Celeiro (Viveiro) coa mensaxe: “O máis heavy do Resu: chegar a Viveiro! Autovía e corredor xa! A Mariña merece máis”.
Diante deste valado ofreceron hoxe unha rolda de prensa a portavoz municipal en Viveiro, Iria Cotelo, @s deputad@s Olalla Rodil, Daniel Castro e Daniel García, e o responsable comarcal Antonio Veiga.
Abandono da Xunta e do Goberno do Estado
Para o BNG, a situación das infraestruturas na Mariña é de abandono total, tanto por parte do Goberno do Estado como da Xunta de Galiza. Lembran que no outono de 2025 se cumpriron 25 anos do desvío da Autovía do Cantábrico cara a Vilalba, o que deixou desconectadas as zonas central e occidental da Mariña, así como a comarca do Ortegal.
Tamén sinalan que a VAP Costa Norte, anunciada como compensación polo desvío da A-74, leva anos paralizada e só se executaron os dous tramos (Xove e Ortigueira) licitados polo goberno bipartito.
@s deputad@s Olalla Rodil e Daniel Castro denunciaron as negativas constantes da Xunta a impulsar definitivamente a VAP Costa Norte: “Cada vez que desde o BNG levamos iniciativas ao Parlamento, o PP nin sequera as atende. Proba disto foi o último debate dos orzamentos de 2026, onde a nosa emenda para axilizar a VAP foi votada en contra polo PP”, afirmaron.
Un cronograma claro e compromisos orzamentarios para rematar a A-74
O responsable comarcal, Antonio Veiga, insistiu na necesidade de axilizar todos os tramos da A-74 Barreiros–San Cibrao.
Lembrou que o pasado 19 de xuño o Ministerio de Transportes e Mobilidade Sostíbel aprobou o expediente de información pública e o proxecto de trazado do tramo Barreiros–O Carmen (6,3 km), pero advertiu que isto é só unha quinta parte do total da autovía: “Se seguimos a este ritmo, chegaríamos á metade do século XXI coa autovía sen rematar, e iso na Mariña non o podemos permitir”, afirmou.
Por iso, o BNG demanda prazos concretos para este tramo e para os catro pendentes, cun cronograma claro e compromisos orzamentarios firmes.
Veiga tamén criticou o abandono da Xunta, que renuncia de facto a continuar coa VAP Costa Norte San Cibrao–Ferrol, despois do anuncio realizado por Rueda en Viveiro o pasado decembro.
O PP desconecta Viveiro
A portavoz nacionalista en Viveiro, Iria Cotelo, referiuse ao anuncio feito por Rueda no Nadal pasado e advertiu de que a proposta supón un retroceso, tanto polo malgasto de tempo e recursos públicos como pola baixa calidade da infraestrutura prevista: “O PP renuncia a unha variante integrada nunha vía de altas prestacións e substitúea por unha estrada convencional que non resolverá os problemas de mobilidade actuais. Ademais, pode enterrar definitivamente a posibilidade de conectar Viveiro e a Mariña co resto do territorio mediante unha infraestrutura acorde co século XXI”, denunciou.
Mobilización social
O BNG de Viveiro está a manter unha rolda de reunións con diversos colectivos veciñais e sociais, e constata un cabreo crecente na sociedade viveirense, así como unha demanda de accións e mobilizacións para evitar que Viveiro quede illado.
Os nacionalistas anuncian que esta será unha das súas liñas de traballo nos vindeiros meses.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
