“O BNG terá que explicar por que non avanzou nada na aprobación do PXOM, que podería ser unha solución para evitar o derribo, que o PP deixou encamiñado e que eles meteron nun caixón estes sete anos”, afirman
Barreiros, 27 de agosto de 2026. O Partido Popular de Barreiros trasladou a súa solidariedade e apoio aos propietarios das vivendas de Lóngara ameazadas de derribo na procura dunha solución a unha situación que afecta directamente a varias familias.
Os populares lembran que se trata de persoas que actuaron de boa fe e amparadas por licenzas urbanísticas que eran plenamente válidas no momento no que foron concedidas e que contaban ademais cos correspondentes informes técnicos e xurídicos favorables. O PP sempre respectará as decisión dos tribunais pero esixe unha actuación política contundente e construtiva e por iso insisten en que “o Concello debe poñerse do lado dos afectados e explorar todas as vías legais posibles para evitar o derribo.”
Neste sentido, o Partido Popular lamenta que a alcaldesa e o BNG estean máis preocupados por buscar culpables, no pasado, que por traballar, no presente, para ofrecer unha solución aos seus veciños.
“O pasado xa foi xulgado. Agora o que toca é ser útiles aos veciños, deixar de mirar atrás e avanzar no PXOM”, sinalan os populares, que consideran especialmente grave que o actual goberno municipal leve sete anos á fronte do Concello sen culminar un planeamento que o propio BNG reclamaba con insistencia cando estaba na oposición.
NOVO PXOM
De feito, o PP pregunta directamente ao BNG: “Que fixeron estes últimos sete anos?” Os populares lembran que os nacionalistas reclamaban xa en 2005 a aprobación dun PXOM para Barreiros e que, vinte anos despois, o municipio continúa sen contar con ese instrumento de planeamento. Ademais, os afectados sosteñen que a súa tramitación se atopaba nunha fase moi avanzada e que se podían aproveitar traballos e informes realizados anteriormente.
“Se o PXOM pode ser unha vía para buscar unha solución e evitar o derribo, por que o BNG non o impulsa? Por que leva sete anos metido nun caixón?”, preguntan os populares.
ESCOITAR ÁS FAMILIAS
O Partido Popular considera que a actitude responsable e construtiva neste momento é escoitar ás familias, analizar todas as alternativas e acelerar a tramitación do PXOM, e non instalarse permanentemente na confrontación política.
Os populares lembran tamén que as licenzas foron concedidas con informes técnicos e xurídicos favorables e que non existe ningunha condena contra a corporación municipal anterior pola súa concesión. “Non se pode trasladar agora ás familias a responsabilidade dunha situación na que elas actuaron de boa fe”, sinalan.
AS DENUNCIAS DO BNG NA ORIXE DO PROBLEMA
O PP considera especialmente significativo o papel desempeñado polo BNG na orixe desta situación. Os populares lembran que, en 2005, o grupo municipal nacionalista presentou ante a Xunta un “escrito-denuncia” no que advertía da situación urbanística de Barreiros e reclamaba unha intervención da Administración autonómica. As propias familias recuperaron agora aquel documento para cuestionar a actuación do BNG.
Posteriormente, en 2007, a Dirección Xeral de Urbanismo, xa co goberno bipartito, acudía aos tribunais e presentaba un recurso contencioso-administrativo que remataría coa anulación xudicial das licenzas.
“O BNG estivo na orixe do problema e agora pretende desentenderse da solución”, denuncia o PP, que lembra que, ao longo dos anos, os populares tamén insisten en reclamar que se axilizase a aprobación do PXOM como unha posible vía para buscar unha solución urbanística e legalizar a situación das vivendas.
“Ninguén lles pide que incumpran as sentenzas, nin que cuestionen as decisións xudiciais. Pedímoslles que fagan política útil: que traballen, que busquen solucións e que aceleren o PXOM. Porque criticar o pasado non elimina os problemas nin os resolve; gobernar é precisamente evitar que os problemas dos veciños sigan sen solución”, conclúe o Partido Popular.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
