Ribadeo, 31 de decembro de 2018. A Banda Municipal de Música de Ribadeo, dirixida por David Ballester, abarrotou de público o Teatro ribadense durante o seu tradicional concerto de Nadal denominado Aquí como en Viena, que tivo lugar na noite do pasado sábado.
O concerto dividiuse en dúas partes. Na primeira interpretaron cinco pezas, das cales catro foron tocadas pola Banda ribadense por primeira vez: The syncopated clock, El caracol mifasol, La escala sido e Santana a portrait. Entre un tema e o seguinte narrouse a historia dun neno que quería chegar a dirixir a Filarmónica de Viena e en tres desas obras os músicos, ademais de tocar, cantaron. A historia rematou nesa primeira parte co rapaz dirixindo o concerto de Ano Novo en Viena e desembocou na segunda parte, coa interpretación das típicas pezas desa actuación, como valses e polcas.
Despois fixeron dous bises. O primeiro foi o vals A orillas del Danubio azul e antes de tocalo o director da Banda ribadense agradeceu a presenza de numeroso público neste concerto. O segundo foi a Marcha Radetzky e antes de interpretala David Ballester pediu un aplauso para os músicos polo seu bo traballo e estes desexaron un feliz ano novo. Como xa é tradicional, o público acompañou con palmas esa peza e cando rematou os espectadores aplaudiron intensamente durante moito tempo, polo que o director da Banda de Ribadeo tivo que saír tres veces a saudar.
O concerto Aquí como en Viena, da Banda de Ribadeo, abarrotou de público o teatro
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
