Foz, 11 de xaneiro de 2019. O Concello de Foz iniciou as obras na zona das Torres para a construción dunha pista multideporte. Os traballos inclúen un campo de céspede artificial e xogos infantís, entre outras instalacións. O alcalde, Javier Jorge Castiñeira, salienta que esta actuación forma parte do plan de dinamización das Torres.
O rexedor municipal anunciou hoxe que “comezaron os traballos de construción dunha pista multideporte na zona das Torres, concretamente onde estaban as antigas pistas de tenis e futbito, máis a zona de parque infantil. A nova área incluirá unha pista multideporte, con céspede artificial, e poderase practicar fútbol e baloncesto ou calquera outro deporte nun recinto pechado, tipo urbano, máis unha pista de skate, que era moi demandada polos afeccionados ao skate e á bicicleta e incluso ao surf. Tamén haberá unha zona de xogos infantís renovada porque os que había estaban totalmente desgastados”.
Javier Castiñeira pide “paciencia a todos os veciños da zona porque durante unhas semanas estaremos aí traballando nunha obra de bastante envergadura” e engadiu: “estamos contentos porque é unha infraestrutura necesaria e que vai dentro dese plan de dinamización das Torres, que xa se iniciou o ano pasado, co asfaltado de toda a urbanización. Agora queremos dotar con este equipamento a esa zona e rematarase co pintado dos viarios unha vez acabe a obra. Estamos seguros de que vai quedar estupendamente. Realízase con fondos da Deputación integramente, dentro do Plan Único, e son obras que escolleu o Concello dentro dos investimentos que se consideraron necesarios para diferentes lugares do noso concello”.
O Concello de Foz iniciou as obras na zona das Torres para a construción dunha pista multideporte
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
