Mondoñedo, 30 de xaneiro de 2019. A portavoz do Partido Socialista de Mondoñedo Esperanza González avanzou que o Pleno da Corporación aprobou por unanimidade no Pleno de xaneiro unha moción socialista para realizar un censo de persoas maiores de 65 anos que viven soas ou acompañadas tan só por maiores de 65 anos no noso concello. E unha vez realizado este censo que os servizos sociais do concello avalíen anualmente mediante visitas aos fogares censados a situación de dependencia desas persoas.
A voceira socialista lembra que nestes momentos no Concello de Mondoñedo, segundo as estadisiticas, hai máis de 1.300 maiores de 65 anos, o que supón o 35% da poboación total de Mondoñedo. “As persoas maiores merecen unha atención especial debido a súa situación, xa que cada vez necesitan máis axuda e requiren mais asistencia persoal e sanitaria. Por iso entendemos que debemos de deseñar as medidas necesarias para poder mellorar a súa calidade de vida, poñendo os medios necesarios e creando ou aumentando os servizos a nivel individual e social”, sinalou.
Nesta mesma proposta tamén se demanda que “unha vez se dispoña deses datos, e na medida do posible e da capacidade orzamentaria do Concello que se proceda a elaboración dun Plan de axuda para persoas maiores, co fin de deseñar e implementar as accións precisas para mellorar a súa cobertura social ante a situación de vulnerabilidade, desigualdade e desvantaxe na que se atopan”.
González Martín lembra que o Goberno da Deputación de Lugo achega 28.000 euros para atender a 60 usuarios do Servicio de Axuda ao Fogar, e a unha media de 36 usuarios no servicio de Teleasistencia completamente gratuíto. Mentres a Xunta de Galicia ten un servizo de Teleasistencia de copago e exclusivamente para persoas catalogadas como dependentes, que esperan meses e meses para ter esta prestación; dende a Deputación hai unha Teleasistencia gratuíta, para todos os veciños con limitacións en canto a súa autonomía. É dicir, sexan dependentes ou non.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
