O Valadouro, 8 de febreiro de 2019.- A Consellería do Medio Rural asinará de xeito inminente a firmeza do acordo da reestruturación parcelaria de Frexulfe, no concello do Valadouro, co que se pecha administrativamente este proceso.
Así o explicou hoxe o delegado territorial da Xunta en Lugo, José Manuel Balseiro, durante unha visita á zona, subliñando que este é un paso decisivo para formalizar a titularidade das terras. Na práctica, implica que os novos predios, dos que xa viñan facendo uso os veciños, son definitivos de cara á elaboración dos títulos de propiedade, que será o seguinte paso.
Ademais, unha vez adquirida a firmeza comezarán os trámites para incorporar as fincas integrantes da masa común -excesos que non foron adxudicados a ningún particular- ao banco de terras para que os veciños interesados poidan solicitar o seu uso.
O inicio deste proceso remóntase ao ano 1997. Investíronse preto de 600.000 euros para reordenar unha superficie de 118 hectáreas repartida en case 1.000 parcelas que pertencían a 180 propietarios. As obras incluíron a construción dunha rede de camiños -principais e secundarios- de máis de 8 Km (5,4 deles asfaltados e o resto en zahorra).
Logo de rematar as obras e avanzar nos trámites administrativos, elevarase a firme a proposta que reduciu o número de fincas a 312, cunha superficie media que practicamente triplica á extensión das parcelas preexistentes “co que serán máis doadas de traballar, máis produtivas e máis rendibles para os seus propietarios, xa que permiten abaratar os custos”, apuntou Balseiro.
O delegado indicou que é unha prioridade para o Goberno galego pechar os procesos de reestruturación parcelaria abertos e continuar avanzando na organización da superficie agraria e forestal “mesmo con proxectos que non repercuten na titularidade das terras, e teñen polo tanto unha tramitación máis áxil, pero atenden ao mesmo fin de dimensionar as fincas e poñelas á disposición dos agricultores e gandeiros en activo”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
