Mondoñedo, 8 de febreiro de 2019 . A alcaldesa de Mondoñedo, a popular Elena Candia, recibiu hoxe aos 16 expertos en turismo, xornalistas e representantes nacionais e internacionais de axencias especializadas que están a coñecer o Camiño Norte a través do FAMTRIP promovido pola Deputación de Lugo.
No encontro, a rexedora aproveitou para promocionar Mondoñedo como final de etapa do Camiño Norte a Santiago poñendo en valor o potencial turístico da cidade e a unión entre as dúas catedrais do Camiño Norte, desde Mondoñedo a Santiago de Compostela.
Elena Candia explicou que “a cidade incrementou os servizos para os peregrinos”. De feito, a alcaldesa fixo entrega de varias guías con información sobre os albergues e outros locais de hospedaxe; así coma dos restantes establecementos hostaleiros de Mondoñedo.
Desde o Goberno local tratan de posicionar a cidade como final de etapa do Camiño Norte, polo que hoxe estes profesionais do turismo percorreron pola mañá 2 quilómetros do tramo de entrada do Camiño Norte en Mondoñedo. Realizaron ademais unha visita guiada pola cidade para coñecer o patrimonio histórico-artístico do seu casco antigo e da súa Catedral. Despois desprazáronse ata o Centro de Interpretación do Camiño e o Barrio Artesán dos Muíños. Pola tarde tiñan previsto percorrer outros 2 quilómetros do Camiño do Norte, o tramo Castromaior–Martiñán.
Presenza no III Fórum do Camiño de Santiago
Con este obxectivo avanzou ademais que o Concello participará de novo, entre os días 10 e 12 de febreiro no III Fórum do Camiño de Santiago ‘Farway’ que se desenvolverá no Palacio de Congresos e Exposicións de Galicia, en Santiago.
Alí agarda ter contactos con axencias, touroperadores, xunto a outros actores do sector turístico, “o que se converte nunha base fundamental para promocionar os nosos recursos”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
