Lugo, 8 de febreiro de 2019. O Voceiro do Goberno, Álvaro Santos Ramos, informou este venres sobre a aprobación en Xunta de Goberno de obras de mellora en 54 quilómetros de 23 estradas provinciais, que discorren por 9 Concellos, cun investimento da Deputación de outros 2,2 millóns.
Santos Ramos informou que se está a actuar en estradas provinciais dos 67 Concellos de Lugo e que a provincia de Lugo conta coa rede viaria provincia máis extensa de España, con 4.300 quilómetros. Nesta liña, destacou que o Goberno leva feito un esforzo inversor de 45 millóns de euros e apuntou que “somos conscientes que aínda queda moito por facer”. De feito, para poder acondicionar tan só o firme de toda a rede, sería preciso investir uns de 300 millóns de euros. Para a renovación integral faría falta como mínimo o orzamento completo da Deputación de 10 anos.
Con todo, o traballo que está a realizar o Goberno da Deputación permitirá pasar dos 700 quilómetros de aglomerado en quente que había na rede viaria provincial no 2015, ao inicio deste mandato; aos 2.200 quilómetros este mesmo ano.
Do total de fondos, adxudicáronse obras de 1,7 millóns para rehabilitar 44 quilómetros de 18 vías en 7 municipios: Begonte, Sober, Ourol, Outeiro de Rei, Muras, Samos e Portomarín.
– En Begonte: 2,8 quilómetros da estrada LU-P-0801, que vai dende a N-IV en Begonte, a Veigas de Baltar.
– En Sober: 2,4 quilómetros de dúas estradas da LU-P-5903, estrada para acceder aos principais miradoiros do Canón do Sil e LU-P-3201, enlace entre Sober e Monforte de Lemos
– En Ourol: 12 quilómetros de 5 estradas provincias. Son a LU-P-3801, que vai de Ourol Ás Lobeiras polo Carmen; LU-P-3802, que vai de Ourol á Igrexa; LU-P-6602, de Ruanova por Sixto a Muras; LU-P-3807, de Bravos por Foxo a San Pantaleón, e LU-P-3803, da Ponte Torta á Cruz das Leiras.
– En Outeiro de Rei: 6,2 quilómetros de 2 estradas: LU-P-1109, que vai de Dumpon, por Cornide a Arcos, e LU-P-3907, que vai de Arcos ao Ceao, en Lugo, por Vilar.
– En Muras: 12 quilómetros de 4 vías provinciais: LU-P-3401, que vai de Aguias a Igrexa do Burgo; LU-P-3404, de Casateita pola Escola de Paio, LU-P-3406, de Picheira por Irixoa á Balsa, e LU-P-6502, de Vilalba por A Balsa a Chavin
– En Samos: 5 quilómetros de 2 estradas provincias: LU-P-5601, que vai de Samos ao Courel; e LU-P-5603 de Aira Padrón a Praducelo e a Ponte Louzara
– En Portomarín: 2,5 quilómetros de 2 estradas provincias: LU-P-4906, que vai de Sabadelle a Villarbacin e LU-P-4910, que vai ata o clube náutico.
Por outra banda iniciouse o proceso de contratación de melloras en 10 quilómetros de 5 estradas provinciais en Cervantes e Vilalba por valor de 500.000 euros.
– En Cervantes: 4 quilómetros de 2 estradas: LU-P-1402, que vai de San Martiño por Quindous a Vilaquinte, e LU-P-1408, que vai de Fonquente a Noceda.
– En Vilalba: 300.000 euros para 6 quilómetros de 3 estradas: LU-P-6505 de Martiñán a Corvelle; LU-P-6513 de Vilalba a Momán; e LU-P- 6517 de Mourence á Igrexa Mourence.
Tamén se aprobaron os plan de seguridade e saúde no traballo que permiten iniciar nos vindeiros días melloras noutras 7 estradas provinciais en Abadín, Xermade e Baleira.
– En Abadín: 3 quilómetros da LU-P-0107, de Abadín a Fanoi.
– En Xermade: 7,3 quilómetros de 3 estradas: LU-P-2201, de Candamil por Xermade a Pedrón; LU-P-2202, de Pedreira a Casanova; e LU-P-2206, de Roupar por Lousada a Vilapedre.
– En Baleira: 5 quilómetros de 3 estradas: LU-P-4604, de Caraño á Braña, LU-P-5401, de Boel por Martín á Muíña, e LU-P-4606 de Martín a Crende. Serve tamén de nexo entre Pol e Baleira e beneficiará directamente a máis dun cento de veciño que viven na zona.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
