Lugo, 11 de febreiro de 2019.- A Consellería de Educación, Universidade e Formación Profesional programou novas actuacións de mellora en 21 centros educativos da área da Mariña que suman un orzamento aproximado de 343.000 euros.
O delegado territorial da Xunta en Lugo, José Manuel Balseiro, deu a coñecer as próximas accións que está previsto executar en 17 colexios e 4 institutos mariñáns no transcurso dunha visita ao CEIP Santa Rita de Galdo, en Viveiro, onde se instalará nova soleira no parque infantil e se colocará pavimento de caucho.
Balseiro subliñou que entre as prioridades da Consellería está a de “garantir que a actividade docente se desenvolva nun entorno cómodo e seguro”, e con ese obxectivo planifica periodicamente as obras que leva a cabo nos centros educativos da provincia de Lugo.
Segundo avanzou, no concello de Viveiro tamén está previsto reformar os baños da primeira planta do CEP Lois Tobío; cambiar portas no CEIP de Celeiro e realizar reformas na carpintería interior e exterior da EEI San Roque. Así mesmo, proxéctase substituír ventás no IES Vilar Ponte e instalar unha escaleira de emerxencia no IES María Sarmiento.
Polo que respecta aos demais municipios da zona, as accións programadas inclúen o acondicionamento do chan das aulas de infantil do CEIP do Vicedo; reformas no patio do CEIP Pedro Caselles Rollán de Xove; cambios na instalación de fontanería do CEIP Santa María do Valadouro; ampliación da biblioteca do CEIP Vista Alegre de Burela; cambio de caldeira do CEIP nº 1 de Foz e dos canlóns da cuberta do CEIP O Cantel (Foz); cambio de caldeira no CEIP Juan Rey de Lourenzá e traballos para substituír ventás nos CEIP Álvaro Cunqueiro de Mondoñedo, CEIP plurilingüe da Pontenova e CEIP de Riotorto. Tamén está prevista a mellora dos aseos infantís da planta baixa do CEIP Gregorio Sanz de Ribadeo e a revisión da instalación eléctrica dos CEIP San Miguel de Reinante e San Cosme, en Barreiros.
Igualmente, no IES Monte Castelo de Burela actuarase na instalación de calefacción do centro e no IES plurilingüe San Rosendo de Mondoñedo está previsto substituír ventás.
Os proxectos executaranse ao abeiro do plan de rehabilitación, ampliación e mellora (RAM) dos centros educativos e as datas de inicio están condicionadas polo calendario lectivo, de xeito que as obras non interfiran no normal desenvolvemento das clases. Así, nalgúns casos tratarase de traballar en períodos como Entroido ou Semana Santa, e noutros actuarase durante as vacacións de verán coa previsión de ter as actuacións rematadas de cara ao vindeiro curso.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
