Ribadeo, 11 de febreiro de 2019. O 15 de febreiro, este venres, terá lugar o sorteo das 19 ceas que Acisa por en xogo dentro da súa campaña de San Valentín. As afortunadas e afortunados disfrutarán destes agasallos o día 16.
As persoas que realicen as súas compras ata o 14 deste mes nos establecementos asociados a Acisa recibe papeletas para cubrir cos seus datos e un número de teléfono de contacto. Deste xeito entrarán no sorteo das 19 ceas que terá lugar o vindeiro venres. As ceas sortearanse individualmente e os premios non son acumulativos. Ningunha cea quedará deserta e o listado de premiad@s farase público o mesmo día 15. Os/as premiados/as deberán pasar polas oficinas de Acisa Ribadeo o mesmo venres, antes das 20:00 horas, na rúa Viejo Pancho, 13-baixo, para recoller o vale que lles permitirá disfrutar deste romántico agasallo.
As gañadoras e gañadoras poderán gozar das ceas o 16 de febreiro nos restaurantes doadores que son: Asador A Quinta, Parador de Turismo de Ribadeo, San Miguel, O Cabazo, Marinero, A Dorada do Cantábrico, O Lar de Manolo, O Tumbín, Hotel Restaurante Javier Montero, La Villa, Cayo Coco, Porta Norte, Costa Verde, La Lira, La Solana, Bar Galicia, El Rincón del Gordo e Galipizza. Éste último local ofrecerá dúas ceas.
Desde a directiva de Acisa animan “a seguir mercando no comercio local, no que temos a carón das nosas casas, porque van atopar todo o que precisan para sorprender ás súas parellas. E ademais haberá 19 afortunadas ou afortunados que poderán cear gratis, xunto aos seus acompañantes, grazas ás ceas que nos ceden varios restaurantes de Ribadeo, que son asociados nosos”. E engaden: “queremos agradecerlles a eses locais a súa xenerosidade para participar na campaña de San Valentín 2019 e desexámoslle moita sorte a todos e todas as que estes días compren no comercio de Ribadeo”.
VIII Gala de Acisa
A Asociación de Comerciantes, Industriais, Servizos e Autónomos de Ribadeo ultima os preparativos da VIII Gala que terá lugar o 22 de febreiro a partir das 21:30 horas no Parador de Turismo. As tarxetas para acudir a este evento xa se poden adquirir nas oficinas da asociación, sitas na rúa Viejo Pancho, 13-baixo, e tamén en Gráficas Ribadeo, na rúa San Roque, 30. O prezo é de 30 euros.
No evento renderase homenaxe a Carmen Valdés, Ramona Reigosa, José Luis Botana e Ramón Leivas, catro empresarios ribadenses que se xubilaron nos últimos meses. Acisa recoñecerá “a súa longa traxectoria como comerciantes, autónomos e hostaleiros nos seus negocios, nos que pasaron unha vida de servizo atendendo á súa fiel clientela. Foron socios destacados e pertenceron durante moitos anos a Acisa Ribadeo, de aí que queremos renderlles esta sentida homenaxe neste momento”.
Desde a directiva de Acisa subliñan que “a nosa Gala está aberta a todas aquelas persoas que nos queiran acompañar aos empresarios e empresarias de Ribadeo esa noite e a todos os que desexen estar a carón das homenaxeadas e homenaxeados deste 2019”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.