Lugo, 26 de marzo de 2019. O Presidente da Deputación, Darío Campos Conde, presentou ao Pleno deste martes unha declaración institucional que recolle textualmente as peticións dos traballadores de Alcoa que lle trasladou directamente o Comité de Empresa. Campos Conde destacou que “creo que a situación de Alcoa debe quedar ao marxe de calquera discusión política, pois hai 2.000 familias da Mariña que viven directa ou indirectamente do funcionamento desta factoría, vital para economía da provincia. Temos que estar ao lado dos nosos veciños e aproveitar que por primeira vez se presentase un estatuto da industria electrointensiva para facer as aportacións necesarias que garantan o futuro de Alcoa”.
Declaración institucional
A declaración institucional recolle o texto íntegro do Comité de Empresa de Alcoa, apuntando o seguinte: As industrias electrointensivas son as que dependen en moi grande medida da electricidade para o seu proceso produtivo. Por iso, calquera variación significativa ou incerta sobre os prezos da electricidade aféctalles dun xeito directo.
Unha parte destas industrias estiveron acollidas á Tarifa G-4, eran as que tiñan un só punto de conexión superior a 100 MW e unha utilización da potencia contratada superior a 8.000 horas/anuais, tiñan a contraprestación da interrompibilidade sen compensación económica pero garantíalles un prezo estable da electricidade.
No 2013, esta tarifa foi eliminada, pasando estes grandes consumidores ao sistema de poxas pola interrompibilidade polo que a cambio de garantir a súa desconexión á rede, no caso de que esta non soportase a demanda, se lles permitía seguir mantendo un prezo competitivo da electricidade e continuar co seu proceso produtivo.
Pero o sistema de interrompibilidade ten graves problemas que son insalvables: 1.- Ao ser unha poxa suxeita ás normas europeas de competencia, implica que necesariamente non todas as industrias van a conseguir os paquetes, polo que as que queden fóra están abocadas ao peche. 2.- A desigualdade que o custe da enerxía eléctrica supón no proceso produtivo do aluminio, preto dun 40% con respecto ás demais industrias hiper-electrointensivas, un 20% a que máis se achega, supón acudir as poxas en inferioridade de condicións. 3.- Non garante que se consiga o prezo da corrente incluso conseguindo os paquetes necesarios. 4.- A Unión Europea ten apercibido ao goberno por este sistema, pois considérao unha axuda de estado.
Outro singular aspecto perverso é que pode ser de utilidade para que unha empresa que pretenda deslocalizar os centros produtivos poida argumentar con facilidade a condición de crise por causas obxectivas só con deixarse quedar fóra do sistema na poxa.
Por estes motivos, o Comité de Empresas de Alcoa en San Cibrao propón que nas alegacións que as administracións presenten ao estatuto de consumidores electrointensivos se regule a tarifa desta industria dun xeito máis xusto e equitativo, recoñecendo o status da industria hiper-electrointensiva, coa creación dunha tarifa industrial estable, con variacións predicibles, á que se poden acoller os grandes consumidores baixo o cumprimento dunha serie de requisitos de consumo, potencia contratada e dispoñibilidade de interrupción de subministro para a xestión da demanda e prezos do sistema eléctrico.
As liñas básicas desta proposta son: – Modificar o sistema tarifario para que as industrias hiper-electrointensivas non soporten os seguintes peaxes que non forman parte do custe de produción da enerxía: primas renovable, custes extrapeninsulares, pagos por capacidade, 2ª parte do ciclo do combustible nuclear e déficit tarifario. Peaxes que deben ser asumidas polos Orzamentos do Estado para non repercutir no resto de consumidores. Por esta rebaixa no prezo da tarifa eléctrica, co esforzo social que supón pasar estas peaxes aos Orzamentos, as empresas, que se acollan a esta tarifa, deberán manter o emprego propio e fixo en todos os seus centros de traballo, así como inversións que garantan a adecuación ás novas tecnoloxías. Medidas que deben ser controladas pola administración pública. – Con cargo aos Orzamentos do Estado, a industria hiper-electrointensiva terá a máxima compensación permitida pola UE por CO2, por competir con industrias instaladas noutros países onde non se limitan as emisión de dióxido de carbono. – Lexislar as opcións de contratos bilaterais entre as empresas hiper-electrointensivas e as compañías eléctricas seguindo o modelo francés que permite asinar contratos a longo prazo 10 anos. Favorecendo así plan industriais e de inversións. – Ademais para producir unha rebaixa xeral no prezo da electricidade, sen que repercuta no funcionamento do sector eléctrico, haberá que retirar do mercado maiorista as centrais hidráulicas e nucleares, que pasarán a cobrar por custes recoñecidos aprobados a proposta da Comisión Nacional dos Mercados e a Competencia. – De manterse algún tipo de compensación pola interrompibilidade dentro do regulamento do estatuto de consumidores hiper-electrointensivos esta será como mínimo de carácter trianual. – Ata a entrada en vigor desta nova tarifa, que é urxente e inaprazable, manterse con carácter transitorio, para as industrias electrointensivas as poxas de interrompibilidade, mantendo a media dos importes dos últimos anos, cos mesmos bloques e recuperando o aviso previo de parada de 2 horas.
Acordos
Por todos este motivos, solicítase ao Pleno da Corporación Municipal a adopción do seguinte acordo: 1.- Instar ao Goberno galego e ao Goberno español a que se constitúa unha Mesa de Traballo onde estean presentes todos os sectores afectados, sen exclusións e transparente, para desenvolver o estatuto da industria electrointensiva. 2.- Instar ao Goberno español a que se vaian facendo efectivas de inmediato estas medidas nos Orzamentos Xerais do Estado para o 2019 e se contemplen no texto definitivo de regulación do estatuto de consumidores electrointensivos as medidas antes sinaladas que nos dotarán dun marco estable para a industria electrointensiva.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
