Burela, 16 de maio de 2019. O Concello ofrece, hoxe, dúas recepcións a deportistas da localidade tras os seus éxitos en diferentes competicións deportivas. O concelleiro de Deportes, Ramiro Fernández Rey, e o alcalde, Alfredo Llano, recibiron este mediodía ao Pescados Rubén FS feminino pola súa proclamación como campión da Copa Galicia. E esta tarde farán o propio cos infantís do Porto de Burela, que foron campións provinciais.
O edil socialista comentou que “temos as recepcións a dous equipos que quedaron campións nas súas respectivas categorías. Unha aos membros do equipo feminino do Burela Fútbol Sala, que quedaron campioas da Copa Galicia. Esta recepción tivemos que retrasala polos compromisos internacionais que tiñan as xogadoras que foron convocadas polas súas seleccións para xogar torneos”.
O concelleiro de Deportes subliñou que “é un recoñecemento máis, a verdade é que estas rapazas están facendo historia aquí en Burela, están pelexando na liga e conseguiron a Copa Galicia, e qué menos que facerlles un recoñecemento como vimos facendo con todos os equipos que conseguen éxitos deportivos”.
Ramiro Fernández Rey engadiu que “pola tarde a recepción será ao equipo infantil do Porto de Burela, que quedaron campións provincias, e van comezar agora a loita polo ascenso á liga galega, este fin de semana. Na liña que nos vimos marcando desde a Concellería de Deportes queremos recoñecer con estes actos un pouco o traballo que fan os rapaces no deporte, estamos encantados de recibilos e oxalá poidamos seguir recibindo moitos máis”.
Todos recibirán un agasallo de recordo do seu paso polo Concello burelés.
O Concello ofrece sendas recepcións ao Pescados Rubén FS feminino tras proclamarse campión da Copa Galicia e ao equipo infantil do Porto de Burela, que foi campión provincial
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
